Өлең, жыр, ақындар

Менің Қазақстанымның аспаны көк

Менің Қазақстанымның аспаны көк -
Көк тәңірінің құдіретінен жаралған.
Көк күмбезінде, көк байрақ тіккен қазағым -
Көкбөрі текті, түбім түркіден таралған...
Мәңгі жасаудың нышаны болса көк түстер
Көк байрақты елім – Мәңгілік ел боп саналған!
Бөрілі байрағым аспанмен тұрсын астасып,
Мәңгілік елімді сақтасын, сұқты назардан!
Менің Қазақстанымның аспаны ашық -
Еркіндік қыраны самғаған.
Ұлы даламның ұл – қызы берен,
Ұлтымның рухы маздаған.
Ұлан байтақ ел – Тәуелсіз Қазақстанның
Ұлы жеңісін ұзақ күтсе де,
Көре алмай кетті–ау , Әз – бабам!
Менің Қазақстанымның аспаны биік,
Күні күліп тұр, алтыннан.
Сарарқа тола сап – сары бидай алтын дән.
Батысы – байлық, мұнайдан теңіз шалқыған,
Досың сүйініп, дұшпан күйсін, даңқыңнан,
Жанын - арының садақасына балаған,
Айналып кетейін, қазақтай ұлы халқымнан!
Тәуелсіздігіміз мәңгілік болсын, тәу етер,
Садағаң кетейін, сарбазың болып, нар туған!
Шынар Кендін.



Пікірлер (2)

Ақерке Турсунбай

мағыналы...

arshynkerei

Рахмет!

Пікір қалдырыңыз


Қарап көріңіз

Басқа да жазбалар