Мен бақытты баламын

Мен бақытты баламын

Мен бақытты баламын,
Күнде думан саламын.
Қызықтарға тоймаймын,
Асыр салып ойнаймын.

Мен бақытты баламын,
Шамшырақ боп жанамын.
Кең даланың гүлімін,
Бейбітшілік үнімін.

Мен бақытты баламын,
Қолымда жыр қаламым.
Жүрек сөзін жолдаймын,
Тебіреніп толғаймын.

Мен бақытты баламын,
Таудай биік талабым.
Өткелдерден өтемін,
Жеңістерге жетемін.

Мен бақытты баламын,
Өнер-білім аламын.
Баба салтын сақтаймын,
Ел үмітін ақтаймын.