Міне алмаған алаға-ай
- 1
- 4
Міне алмаған алаға-ай,
Шыға алмаған далаға-ай
Мұсылманның баласын
Атаңа нәлет Жәңгір хан
Борай да борай қар жауса
Борай да борай қар жауса,Қалыңға боран борар ма?!
Қаптай соққан боранда
Қаптама киген тоңар ма?!
Туырлығы жоқ тұл үйге
Ту байласаң тозар ма?!
Ту түбінен тұлпар жығылса,
Шаппаған жомарт оңар ма?!
Ағайынның ары үшін.
Қарындастың қамы үшін,
Қатын менен бала үшін,
Қайрылмай кеткен жігіттің
Өзін - кәпір, алғанын
Талғам деп айтсаң болар ма?!
Асқар, асқар, асқар тау,
Асқар таудың ақ сұңқар
Ылдидың аңын шалар ма?!
Асқар таудың басына
Лашын, сұңқар түлесе,
Дал ада қалған сүйек деп,
Жүніне қарға жолар ма?!
Пікірлер (1)
Пікір қалдырыңыз
Желп-желп еткен ала ту
- 0
- 2
Желп-желп еткен ала ту
Жиылып алар күн қайда?
Орама мылтық тарс ұрып,
Жауға ататын күн қайда?
Еңіреу ұлы емшек боз
- 1
- 4
Еңіреу ұлы емшек боз
Ер мінген күні берік болсын.
Еменнің түбі сары бал
Ер ішкен күні көп болсын.
Қарап көріңіз
Басқа да жазбалар
Пікірлер
-
Назира
Өте әдемі өлең -
Sayazhan
күшті жазылған:) -
Еңлік
Өте қайғылы
самира
жатау киын екен брак маган унады