Өлең, жыр, ақындар

Келе ғой көктемім

  • 19.03.2019
  • 0
  • 1
  • 2459
Келе ғой, көктемім, аңсаған,
Тазартшы, ызғардан аспанды.
Сен ғана әндерді бастаған,
Сен ғана бастаушы дастанды.
Жасартшы, жапырағын орманның,
Сайратшы, жырлампаз құстарын.
Көрейін қанатын арманның,
Көрейін әндетіп ұшқанын.
Жан берші мұз басқан өзенге,
Тыңдайын оның да жақсы әнін.
Селдетіп тағы бір жөнелсін
Бітпеген былтырғы дастанын.
Құтқаршы, қыстайғы тамұқтан,
Жылытшы, қойшының денесін.
Жазылсын тамағы қарлыққан,
Жып-жылы сары уыз жегесін.
Шықсын да жадырап жайлауға,
Қайтадан әнін бір бастасын.
Мұршам жоқ, айтуға, ойлауға
Қойшының күнінен басқасын.



Пікірлер (1)

Зекон

Анашым

Пікір қалдырыңыз

Жол салып күнбатысқа қан мен терден

  • 0
  • 0

Жол салып күнбатысқа қан мен терден,
Жөнеген жойқын ерлер жеңістермен,
Жайрата жау ордасын кірді басып,
Босатып бостандықты неміс бүрген.

Толық

Кел, жылдарым

  • 0
  • 0

Жұлдызы бар, жүрегімнің сөнбейтін,
Арманы бар жұлдызымның - өлмейтін,
Шақырады мені ілгері қашан да.
Жұтып болған жоқпын өмір шырынын,

Толық

Ормандағы бала

  • 0
  • 0

Уыздай бала,
Еңкейіп қана
Теріп жейді жерден дән.
Айнала орман,

Толық

Қарап көріңіз

Басқа да жазбалар