Өлең, жыр, ақындар

Көпір болсам

  • 19.03.2019
  • 0
  • 0
  • 1048
Ғасырлар өтсе үстімнен
Ауыр жүк тасыр шофер боп,
Мен тұра берсем астында
Темірден құйған көпір боп.
Кісілер тасып, жүк тасып,
Поездар өтсе тынбастан,
Діңгекті жерге нық басып,
Солқылдап тұрсам сынбастан.
Аязбен тұрсам айқасып,
Айқара басса қыраулар,
Сендермен қалсам шайқасып,
Қоршалап кейде тұмандар.
Ауысып қарлар, мұнарлар,
Жаздардың көрсем келгенін.
Аспанда қалқып қырандар,
Даланы гүлдер көмгенін.
Балалар ойнап балғамен
Соғып бір қалса шетімді.
Музыка болып сонда мен
Ағызсам күйді не түрлі.
Күңіреніп кетсем органдай
Сұңқылдап барлық сымдарым.
Тіршілік тына қалғандай
Тыңдаса темір сырлы әнін.
Ғасырлар өтсе үстімнен
Ауыр жүк тасыр шофер боп.
Мен жата берсем астында
Темірден құйған көпір боп.
***
Ажалдан жаным сескенбес,
Таныс қой біздің ол ескі.
Көрініп кетіп жүреді
Кейде ашық, кейде көмескі.
Аңдыған тыңшы секілді
Сыртымнан тынбай бағады.
Қақпаны кейде соғады,
Әйнекті кейде қағады.
Аулақта, менсіз жата алмай,
Кетеді кейде үйге еніп.
Тұрады бірақ айта алмай
Жүзімнен суық именіп.
Күтіп жүр арсыз ұялмай
Әлсірер менің күнімді.
Ал мен де жүрмін қия алмай
Жазылар енді жырымды.



Пікірлер (0)

Пікір қалдырыңыз

Қыс ата

  • 0
  • 0

Ойының, балам, омбы қар
Демейсің қолым домбығар.
Ақ мамықты ақтара
Қалайсың тынбай ақ қала.

Толық

Сөнген шырақ

  • 0
  • 0

Қара орманда, қара түнде,
Қара түнек қойнында:
Отыр бір шал жағып шырақ,
Ескі тасбих мойнында.

Толық

Сырласу

  • 0
  • 0

Келеміз - Мәлікпенен екеуміз тек,
Шаршатпай қолтығымнан алды демеп.
Келеміз от бұршақтың ортасымен
Кеңеске түтеген оқ болмай бөгет,

Толық

Қарап көріңіз

Пікірлер