Өлең, жыр, ақындар

Кел, жылдарым!

  • 21.03.2019
  • 0
  • 0
  • 1597
Декабрьдің соңғы күнін жаптым мен,
Қонақүйдің соңғы есігін жапқандай.
Жаңа жылдың тұңғыш күнін аштым мен.
Жалтыңдаған жарықтардан жасқанбай.
Жарқырай бер, жылдың басы жаңа күн,
Жалтылдасын әйнектері үйлердің.
Жарыққа мен жарық болып қараймын,
Қара шыны көзілдірік кимеймін.
Неге керек көзіңді күңгірттеп,
Жасырыну көлеңкеде жарықтан.
Осы біздің күн емес пе анықтап
Бар ғажабын бұл жаһанның танытқан!
Күнім, Күнім, менің өткен күндерім,
Өмірімнің отты бөлшектеріндей.
Мен сендермен әрқашанда біргемін,
Бір жасаймын еткенімнен бөлінбей.
Кел, жылдарым, менің жаңа жылдарым,
Менің ұрпағымның жарқын күндері!
Мен сонау кешеден келдім бүгінге,
Мен сонау ертеңменен де біргемін!



Пікірлер (0)

Пікір қалдырыңыз

Қой, жігіт

  • 0
  • 0

Жігітім, туғанда еркек боп
Қуанған шешең де, әкең де.
Бір саған мың бақыт бермек боп
Шыңдардың атын да әперген.

Толық

Ол

  • 0
  • 0

«Өлді ғой ол,
Көмдім ғой мен», -
Деп ойланып үйінде,
Дуалдағы портреттен

Толық

Дос туралы

  • 0
  • 0

Бір еменнің бұтағындай,
Досымменен өстім бірге.
Жүректей ек соққан тынбай,
Бір кісінің көкірегінде.

Толық

Қарап көріңіз