Өлең, жыр, ақындар

Мен де шығам

  • 23.03.2019
  • 0
  • 0
  • 1333
Қарындасым Сырғакүл келіп маған.
Құшақтайды мойнымнан: - ағалаған.
− Алып берші, Көкежан, бір галстук,
Ертең тойда галстук мен де тағам.
«Ертең тойда галстук шықсам тағып,
Жүрсек отряд тізіліп, топты жарып.
Қалың отряд алдында барабанды
Мен де жүрсем, Көкетай, қатты қағып.
Кірлетпес ем, күтер ем, сақтар едім,
Пионерлік атымды ақтар едім.
Тақсам тағып, мереке мейрамдарда
Сені, Көке, әрдайым мақтар едім».
Деп Сырғаштай жалынып келіп маған.
Бойды ерітіп дауысы ағалаған.
− Алып берсең, Көкетай, бір галстук
Ертең шығам, той күні мен де тағам.
Сырғаш пенен екеуміз тұрмай үйге,
Алдық ақша апамнан киінуге.
Ертең сәнмен шығады: қарындасым,
Барабанын соғуға, әндетуге.
Мен де шығам тыңдауға барабанын,
Барабанға қосамын ақын әнін.
Ертең мен де пионер, отрядтамын
Ертең маған командир өз ұланым.

1934



Пікірлер (0)

Пікір қалдырыңыз

Қалыбекке

  • 0
  • 0

Ағамыздың, қаның таза жаныңдай,
Жүрегің от жанып тұрған жалындай.
Жарты ғасыр жасымастан жасадың
Қазағымның қайраты мен арындай,

Толық

Дос туралы

  • 0
  • 0

Бір еменнің бұтағындай,
Досымменен өстім бірге.
Жүректей ек соққан тынбай,
Бір кісінің көкірегінде.

Толық

Бір ақын туралы әңгіме

  • 0
  • 0

Керемет еңбектен бір батыр шықты,
Даңқымен таңдандырды қалың жұртты.
«Тағыпты омырауына алтын жұлдыз,
Уа, шіркін, сол жігітті көрер ме ек біз...»

Толық

Қарап көріңіз