Өлең, жыр, ақындар

Дәужанның тұңғышы туғанда

  • 23.03.2019
  • 0
  • 0
  • 1406
Айы жетті Жамалдың,
Күні жетті Жамалдың.
Атын қойды той жасап
Жаңа туған адамның.
Қызылшақа кешегі
Күн - күн сайын өседі.
Таныр болды табжылтпай
Әке менен шешені
Әкеде енді арман жоқ,
Көңілінде мұң қалған жоқ,
Тізімге ұлы тіркелді –
Дәужан ұлы Әлжан боп.
Басқаны әке көрмейді,
Мал-жан ойға келмейді,
Дәужан ұлы Әлжанды
Өзі ғана тербейді:
− Өсер әлі, өсер - ау,
Өсер менің құлыным,
Тақымына сабар - ау,
Әкесінің құрығын.
Қашағанды қуар - ау, -
Жүйрік мінген боташым,
Қуандырып тұрар - ау
Көкесі мен апашын.
Күрескенді үйірер
Жағаға қол салғанда,
Көрушілер сүйінер
Көз ілеспей шалғанда.
Тұрар жайда сызылып,
Кірмес қызып жанжалға.
Қарар қыздар қызығып
Дәужан ұлы Әлжанға....

1960



Пікірлер (0)

Пікір қалдырыңыз

Ақындық

  • 0
  • 0

Ақындық ауыр еңбек түсінгенге,
Тау қазған, тас қорытқан ісіңнен де.
Жалғызсың, жәрдем тілеп ала алмайсың
Ең жақын, ең сүйікті кісіңнен де.

Толық

Бар екем

  • 0
  • 0

Апырым-ау, жоқ па, бармын ба,
Соға ма, жоқ па жүрегім?
Жоқ әлде тас боп қалдым ба,
Осы мен, достар, кім едім?

Толық

Кеше, бүгін, ертең

  • 0
  • 0

Кеше ғана бала едім тәй-тәйлаған,
Көлеңкеммен жарысып айқайлаған.
Ұшқан құстың қанатын сұраушы едім
Өз тілімде, үлкенше айта алмаған.

Толық

Қарап көріңіз