Жыр жалғасы
- 0
- 1
Жер төсінде керуенін шұбалтып,
Өмір көшіп барады.
Селеу жапқан ескі жұрттай мұнартып,
Көп нәрсе өшіп қалады.
Көрмеймін...
- Көрмеймін! - дейсің,Көрмесең, мейлің, көрмегін!
Көретін көктен тәңірім емес сен менің.
Көрмедің,
мейлің,
көңлінді маған бөлмегін,
Мен-дағы қарап өлмедім,
Түсіңнен, бәлем, шошытар,
Мендегі леп, мендегі үн.
Сезіне тұра,келмейді-ау, сірә, білмегің...
Білмегін, мейлің, білмегін!
Сезеді мені сенсіз де,
мазасыз өткен күндерім,
ұйқысыз өткен түндерім.
Уақыттармен біргемін.
Көрмесең, көрме,
Білмесең білме,
Шырағым менің сөнбейді,
Шыдамын таусып сендейдің,
Мазасыз жаным,маған бір тыным бермейді,
Дариға-жүрек жоқ нәрселерге шөлдейді.
Көрмесең мейлің,көзіңе сенің ұрынбан.
Ұрынбан, бірақ бұғынбан!
Есіңде болсын!
Құлагері де Серінің
Сөреге жетпей жығылған...
Пікірлер (4)
Пікір қалдырыңыз
Құрметтеңдер, жиырмасыншы ғасырды
- 1
- 3
Біздер жүрміз дер кезінде туылып,
Суға түсіп, отқа өртеніп, жылынып,
Жетімдердің ұясына тығылып,
Жесірлердің көз жасына жуынып,
Aizhan Abosbekova
Тамаша олең
Жүректі езіп жіберген
Ұнады бірден
Мағанда озге адамға
Амина
Мұқағали МақатаевтыңКөрмеймін... өлеңі ұнады
Шіркін Мұқағали,не деген дарын,әр сөзі жаухар
Шіркін Мұқағали,не деген дарын,әр сөзі жаухар
Исламбек
Мұқағалидың «Көрмеймін...» өлеңі – жүректің тереңінен шыққан, қазақ поэзиясының інжу-маржандарының бірі! Bilim-all.kz сайтындағы бұл бет өлең мәтінін толық, әдемі әрі қатесіз орналастырыпты. Мұқағали ағамыздың лирикасы әрқашан жүрекке жетеді, ал бұл өлең – махаббаттың ауыртпалығын, мақтанышты, ішкі күресті соншалық шынайы жеткізген шығарма.
«Көрмеймін! – дейсің, Көрмесең, мейлің, көрмегін!» деп басталатын жолдардан-ақ сезіледі ғой – махаббаттағы реніш, өкініш, бірақ сонымен қатар өз-өзіне сенім, шыдамдылық. «Мен-дағы қарап өлмедім», «Шырағым менің сөнбейді», «Құлагері де Серінің Сөреге жетпей жығылған...» – осы жолдардың әрқайсысы жүректі қысып, ой салдырады. Мұқағалидың сөзі қанша қарапайым болса да, соншалық терең, әр оқыған сайын жаңа мағына ашады. ❤️