Өлең, жыр, ақындар

Көңілім

  • 19.04.2015
  • 1
  • 9
  • 33001
Көңілде дауыл.
Көңілде оттар жанады.
Қуаныш-қайғы бірін-бірі жабады.
Жүрегім сонда жадырап, сергіп қалады,
Дауыл мен оттан рақат, дамыл табады.
Достарым көп-ақ.
Өзімсіп кейде сатады.
Жұбатып бірі, жылатып бірі жатады.
Жүрегім сонда неліктен шиыршық атады?!
Қалайды-ау, сірә, қуаныш, әлде... қапаны...
Қуаныш, бақыт, өкініш, қайғы - бәрі де ой,
Көтере берем
Көңілім - жердің шары ғой.
О, дарқан көңілім!
Өмірімнің тозбас сәні ғой!
Miнe, тағы ашу келіп, алқымыма тығылды,
Ақылымның есігінен аттай бере жығылды.
Көлдей тұнық көңіліме қоқыс тастап лайлап,
Кей пенделер қайнатады-ау, қайнатады-ау зығырды.
Інім айтса бас изедім, ағам айтса қош көрдім,
Жанның бәрін жатырқамай, жақсы дедім, дос көрдім.
Араларын ажырату мұншама ауыр болар ма,
Адалдық пен арамдық деп аталатын қос белдің.
Мақұл дейін, кінә өзімде, өзіме айып тағайын,
Ақ жаныма, пәк жаныма қалай күйе жағайьш.
Адалсың ба, қолынды бер, сенен тәлім алайын,
Арамсың ба, аулақ-аулақ маңайымнан, ағайын.
Арым, міне, сүттей аппақ алдыма кеп жылап тұр,
Жаутаңдаған жанарында жалғыз ғана сұрақ тұр.
Өмірдегі адамдықты, адалдықты теріп ал,
Қалғандарын құлан жортпас құла дүзге лақтыр!



Пікірлер (9)

тамара

Өте тамаша өлеңдер екен əсіресе көңілім өлеңіс

Сəуле

Жас күнімнен Мұқағали ағаның өлеңдерін сүйіп оқимын,жатқа айтам. Көңілім өлеңі қазіргі көңіл күйіме дөп келді. Мына заманда кейде достарымды түсіне алмай қалам. Мұқа ағам да, осындай жабыққан сəтінде жазған болар.Өлеңдері керемет. Жүрегіммен ұғынам, түсінем. Дара ақын...

жасмин

Өлеңдері өте өте керемет

Ақерке

Маған адалдық мейірімділік адамгершілік туралы керек осылардың біреуінен

Тұмар

Маған қатты ұнады!!!!

Жансая

Өтеееееее керемет

Улдана

Маған өлең ұнады

Айсулу

Оте керемет дара акын журекти тебирентеди

Маған жақсы көнілім

Олжаз жанындай

Пікір қалдырыңыз

Дариға, домбырамды берші маған

  • 1
  • 4

Дариға, домбырамды берші маған,
\"Жаныма келші, жарым, келші балам!
Бейуақ, іңірдегі көңіліме,
Күй болып, күңіреиіп енші, далам.

Толық

Сағындым ғой

  • 1
  • 6

Сағындым ғой, саялы тау арасы,
Сағындым ғой, жанымды дауалашы!
Көрсетпестен, көк шалғын, көміп таста.
Қарағайлы қалың ну, қамалашы!

Толық

Масақ

  • 1
  • 2

Біржола өлген ескі өмір тұмауратқан,
Біржола өшкен ескі жұрт қылау жапқан.
«Әулие тас» атанған жерге келіп,
Басын жаңа қазақтар құрап жатқан...

Толық

Қарап көріңіз