Өлең, жыр, ақындар

Майгүліме

  • 19.04.2015
  • 1
  • 10
  • 49459
Бірінші өлең
Ол өмірге келгенде көктем еді,
Жер гүлін, көк те нұрын төккен еді.
Саялатып сал-самал өпкен еді,
Сол өмірге несіне өкпеледі?!
Сол өмірге несіне өкпеледі?!
Ал өмір оны сыртқа теппеп еді.
Қайғырмаймын, жырым ғой жазылмаған,
Күрсінткені болмаса текке мені.
Күрсіндіріп кетті ғой текке мені...
Қойшы, тәйірі, осынау ит өмірге
Текке келіп, адамдар текке өледі.
Дей алмаймын өмірге ол өкпеледі,
Жер астына жем керек түзден кейде,
Жүздер өтіп өмірден, жүз келмей ме.
Қойшы, тәйірі, даланың раушаны
Көктемде өсіп, осылай күзде өлмей ме?!
Екінші өлең
Түсіме енді ап-арық қызым бүгін,
Қызым бүгін... Жұлынған қызыл гүлім.
Бақшамдағы балбырап пісіп тұрған
Үзіп кетті, апыр-ай, жүзімді кім?
...Түсімде қызым мені шақырады,
Өзеннің ар жағында отыр, әні...
Ғафу, балам, ғафу ет, бара алмаймын,
Мен деген жер бетінің «ақымағы»
Мен деген жер бетінің «ақымағы»,
Алдымда асқар асу жатыр әлі.
Сабыр, балам, қай жаққа қашар дейсің
Сені жапқан қара жер топырағы...
Дей көрме әзір маған жаныма кел,
Тағдырдың дегеніне бағына бер.
Түбінде бір жол бізді табыстырар,
Қайтейін, сағына бер, сағына бер...



Пікірлер (10)

акжаркын

Бул онелінін менин сыныптас кызым наурыз аруында окыды бул оненди окыганды козимизге жаз келди

Нурбакыт Айгерим

майгулиме деген өлең қатты унады көзіме жас толып кетті

Салтанат

Жас толды

Ақерке

Маған қатты ұнады

Секрет

Жазганнан кейин неге резко кетпейди модетердын* комегимен гана!
Кате жаздым гой дейм

Майгул

Өлен қатты ұнады көзиме жас алдым.

Даяна

сиздердин аркаларынызда емтиханнан оттим

Moldir

Menin en jaksi korip okityn olenim osy janym suiedigoi osi olenin okisam jilap iwimdegi bar munim wykkandai bolady. Keremet ote ote

Айсана

Майгүліме деген өлеі ұнады

Мөлдір

Маған бұл өлеңі қатты ұнайды бір деңе бала қалса есіме түсіріп айтып.Берем

Пікір қалдырыңыз

Ақиқаттың ауылы

  • 1
  • 8

Жол қайда ақиқатқа апаратын?
Ел қайда ақиқат деп аталатын?
Айлакер, арамзалар, алаяқтар,
Аяғы көктен келіп, маталатын?

Толық

Аласарып Ай батқан

  • 1
  • 5

Аласарып Ай батқан,
Ай батқанда, аймаққа,
Жұлдыз шоғын жайнатқан.
Аумайды бір құс жолы,

Толық

Тағы да күз, тағы, міне, сары таңды ұзақ түн

  • 2
  • 11

Тағы да күз, тағы, міне, сары таңды ұзақ түн,
Уысында тағы да мен ұйқы дейтін тұзақтың,
Ой-хой, шіркін, тағы да бір күзді, міне, ұзаттым,
Өмірімнің есейгенін сезінемін күзде мен,

Толық

Қарап көріңіз