Қадыр Мырза Әли

Апталық есеп

Бұл бетте «Апталық есеп» атты Қадыр Мырза Әли жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

25.04.2019
0
0
3849

Көретұғын түгі де жоқ сағаттан,
Дүйсенбіде кешіктің бір сабақтан.
Кен байлығын білмедің де Оралдың,
Сейсенбіде сүмірейген «бір» алдың.
Сені қалай олақсың деп тәрк етпен,
Сәрсенбіде сия төктің паркетке.
Күні бойы жөнін таппай бір істің,
Бейсенбіде досыңменен ұрыстың.
Садақ атып, қададың да оғыңды,
Жұма күні жарып алдың добыңды.
Орта жолда ойнап едің алаңсыз,
Сенбі күні қайттың үйге қаламсыз,
Өзің айтшы: дұрыс па бұл, бұрыс па?
Жексенбіде тұрдың ұзақ бұрышта!

Қадыр Мырза Әли апта апталық есеп Қадыр Мырза Әли өлеңдері

Пікірлер (0)

Пікір қалдырыңыз

Жиі қойылатын сұрақтар