Түлеген түз – Қадыр Мырза Әли

Бұл бетте «Түлеген түз» атты Қадыр Мырза Әли жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 27.04.2019
  • 0
  • 1
  • 2113
Бір кездегі аспанның алып тоны —
Бұйра-бұйра ақ бұлттар қалыпты оңып.
Мен кеткенде жол еді бұраң-бұраң,
Сым темірдей түзетіп алыпты оны.
Бала кезде күй менен жыр тыңдаған
Бейтаныс боп көрінді жұртым маған.
Биігі бар, сайы бар, саласы бар —
Бір жері жоқ тулақтай жыртылмаған.
Қара толқын тәрізді қырат-қырлар,
Қалқып жүзіп барады бір аттылар.
Көкжиектің өзін де қоса жыртып,
Жібергеннен сау ма өзі тракторлар!
Табиғатқа көрсетіп өктемшілдік,
Тастақ жердің өзіне еккен шыбық.
Тырмаларын сүйретіп техника,
Төбелердің басына кеткен шығып.
Өзің жайлы кітапты бір қыс ойлап,
Асып түсті ақыннан тұрмыс-айна.
Көз қуанып жаңғырған жаңа өмірге,
Көңілімде көне ауыл тұрды сайрап.


Пікірлер (1)

Ақн

Маған қатты қатты қатты ұнады ????????????

Пікір қалдырыңыз

Жиі қойылатын сұрақтар

Түлеген түз өлеңінің авторы кім?

Қадыр Мырза Әли — осы өлеңнің авторы.

Түлеген түз өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Түлеген түз өлеңі не туралы?

Бұл өлеңде Қадыр Мырза Әли өз ойы мен сезімін көркем түрде жеткізеді.

Түлеген түз өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері