Өлең, жыр, ақындар

Заман мәнін, адам жанын аз біліп

  • 29.04.2019
  • 0
  • 0
  • 4305
Заман мәнін, адам жанын аз біліп,
Ішкен тамақ, киген киім мәз қылып,
Шыныменен өтеді ме бұл ғұмыр?!
Алдап-арбап лауазым мен шен-шекпен,
Бөлінбейтін бүтініңді бөлшектеп,
Шыныменен өтеді ме бұл ғұмыр?!
Салқынды ыстық, ыстығыңды салқын деп,
Темірді мыс, мыс пен жезді алтын деп,
Шыныменен өтеді ме бұл ғұмыр?!
Бейшара боп қарауында масылдың,
Бағасына өткізе алмай асылды,
Шыныменен өтеді ме бұл ғұмыр?!
Сені сынап, сен оларды сынамай,
Жұртқа ұнап қартқа бірақ ұнамай,
Шыныменен өтеді ме бұл ғұмыр?!
Біреулердің банкетінде отырып,
Өтірікке сенген болып өтірік,
Шыныменен өтеді ме бұл ғұмыр?!
Саулықтың да болмай әбден мәнісі,
Мынау сасық тұмауменен алысып,
Шыныменен өтеді ме бұл ғұмыр?!



Пікірлер (0)

Пікір қалдырыңыз

Әсірелеу

  • 0
  • 3

Пысқырғанда пырақтар
Жапырылған құрақтар.
Ысқырғанда жебелер
ЬІсырылған төбелер.

Толық

Құрметтесең ата-баба мұрасын

  • 0
  • 0

Құрметтесең ата-баба мұрасын,
Қазақтардан табылады жыр асыл.
Сол асылға қосасың да бір асыл,
Үлкендерден бата тілеп тұрасың.

Толық

Түлеген түз

  • 0
  • 1

Бір кездегі аспанның алып тоны —
Бұйра-бұйра ақ бұлттар қалыпты оңып.
Мен кеткенде жол еді бұраң-бұраң,
Сым темірдей түзетіп алыпты оны.

Толық

Қарап көріңіз