Өлең, жыр, ақындар

Ой

  • 29.04.2019
  • 0
  • 0
  • 2708
Жөні бөлек жолдағы әрбір қадамның.
Жөні бөлек тарихтағы қадамның.
Алғаш рет
Маймыл-ата басына
Ой келген күн —
Туған күні адамның.
Тап сол күні болған шығар той, сірә!
Қалған шығар біраз жеміс ойсырап.
Таба алды ма,
Таппады ма жауабын
Миға оралған сол алғашқы ой-сұрақ?!
Қандай ой ол?
Қандай пікір?
Неғайбыл.
Жұмбақ болып қалады ғой, ағай, бұл.
Дегенменен
Тұңғыш сұрақ — сол сұрақ,
Ең алғашқы Гамлет те — сол маймыл!
Қазір біздің жағдайымыз жақсырақ.
Қажымайды қиял деген ақ сұр ат.
Қалған, бірақ сол маймылдан біздерге
Қалың орман,
Қаптаған ой,
Көп сұрақ.
Көп сұрақты оңды-солды шашамын,
Желпілдетіп жауап жырдың шашағын.
Қуғанда да
Ойды ғана қуамын;
Қашқанда да
Ойдан ғана қашамын!
Содан талай басым қатып,
Дәрі іштім.
Айға қондым,
Жұлдыздардан әрі ұштым.
Ракета даңғылы емес,
Ой жолы —
Екі арасы қара Жер мен Ғарыштың!
Қандай ой ол?
Қандай пікір?
Неғайбыл.
Жұмбақ болып қалады ғой, ағай, бұл.
Дегенменен
Тұңғыш сұрақ — сол сұрақ,
Ең алғашқы Гамлет те — сол маймыл!



Пікірлер (0)

Пікір қалдырыңыз

Айна алдындағы ару

  • 0
  • 0

Айнадағы ажарына арайлы
Айдай ару ұзақ-ұзақ қарайды.
Асқар таудан ақтарылған өзендей
Ағын шашын алдына алып тарайды.

Толық

Көз бен көңіл

  • 0
  • 0

Көктемеде қандай сұлу құм-шағыл!
Қол бұлғай ма шешек атқан гүл шағың?
Кім ойлаған
Қысы суық, жазы ыстық

Толық

Алғашқы емес

  • 0
  • 0

Алғашқы емес,
Емес және ақырғы,
Арман талай биігіне шақырды.
Ал мен болсам етегінде тірліктің

Толық

Қарап көріңіз