Шын бақыт қой елдің саған сенгені – Қадыр Мырза Әли

Бұл бетте «Шын бақыт қой елдің саған сенгені» атты Қадыр Мырза Әли жазған бақыт туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

  • 29.04.2019
  • 0
  • 0
  • 4220
Шын бақыт қой елдің саған сенгені,
Шайпау сөзді ақиқаттың жеңгені.
Қасымдағы көп адамды ұнатпай,
Кейбіреуден қызғанасың сен мені.
Араласпай тұра алмаймын бірақ мен:
Әншіменен,
Сауыншымен,
Мұраппен.
Бір атпенен балшық басып,
Қи тасып,
Қыдыруға болмайды ғой бір атпен.
Несі жақсы?
Несі жақсы?
Талданып,
Жарты ғасыр артымызда қалды анық.
Ақылдыға қосқанменен жұрт мені,
Алаяқтан жүрмін әлі алданып.
Біреу аңқау,
Біреу сондай қырағы.
Қулық-сұмдық — айлакердің құралы.
Көп болғанмен байқағаным,
Білгенім,
Біраз жанда есем кетіп жүр әлі.
Көре-көре адамдардың аласын,
Іштей жүдеп, іштей пәс боп қаласың.
Бір ұққаным:
Жамандар ма деп қалдым
Жақсылардың көтеретін бағасын.
Алаулаған от боп тисек біз қанға,
Біреулердің жаны суық мұздан да.
Асылы бар,
Жасығы бар —
Бәрі бар,
Мені жұрттан аулақтатпа,
Қызғанба!
Биігіне өмір деген қайқаңның
Шығып тұрып ақиқатты айтам мың.
Білу үшін періштенің қадірін
Құшағын да көрген дұрыс сайтанның!


Пікірлер (0)

Пікір қалдырыңыз

Жиі қойылатын сұрақтар

Шын бақыт қой елдің саған сенгені өлеңінің авторы кім?

Қадыр Мырза Әли — осы өлеңнің авторы.

Шын бақыт қой елдің саған сенгені өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Шын бақыт қой елдің саған сенгені өлеңі не туралы?

Бұл шығарма бақыт туралы өлең ретінде танымал. Өлеңде автор өз ойын көркем түрде жеткізеді.

Шын бақыт қой елдің саған сенгені өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері