Арғымаққа жақын тұрар ақындар – Қадыр Мырза Әли

Бұл бетте «Арғымаққа жақын тұрар ақындар» атты Қадыр Мырза Әли жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 29.04.2019
  • 0
  • 0
  • 2607
Арғымаққа жақын тұрар ақындар.
Атың болса — жырағың да жақындар.
Басқаларша
Жүйрігіне заманның
Мінем десем,
Менің де, дос, қақым бар.
Бірақ, бірақ
Жүрек аман,
Ми аман.
Өткен күнді қалай ұмытам,
Қия алам?!
Еске түсіп мәстек мінген күндерім,
Машинаға отыруға ұялам!
Құйғытқанша құйын болып ерген жел,
Машина алып бер деп маған жүр кенжем.
Алып берем,
Ақыл болса басында,
Аяққа да жұмыс тауып берген жөн.
Өңір қалай,
Өмір қалай түрленді!
Менің күнім заманменен бірге енді.
Әйтсе де осы машинада шіренбей,
Ұнатамын көппен бірге жүргенді.
Көрсем де мен жетімдіктің тозағын,
Қолымды ылғи шүкірлікке созамын.
Маңдайыма жазған болса озуды,
Жаяу жүріп,
Жай жүріп-ақ озамын!


Пікірлер (0)

Пікір қалдырыңыз

Жиі қойылатын сұрақтар

Арғымаққа жақын тұрар ақындар өлеңінің авторы кім?

Қадыр Мырза Әли — осы өлеңнің авторы.

Арғымаққа жақын тұрар ақындар өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Арғымаққа жақын тұрар ақындар өлеңі не туралы?

Бұл өлеңде Қадыр Мырза Әли өз ойы мен сезімін көркем түрде жеткізеді.

Арғымаққа жақын тұрар ақындар өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері