Өлең, жыр, ақындар

Көзім жеткен көргенде-ақ оңбасыңа

  • 30.04.2019
  • 0
  • 0
  • 1850
Көзім жеткен көргенде-ақ оңбасыңа,
Шын даңқтың басыңа қонбасына.
Даңқ деген — мақала,
Баяндама
Емес, жолдас,
Жаздырар жолдасыңа.
Бұлай ойнау қауіпті халықпенен.
Бір пәлені аңғарып қалыпты өлең.
Жинап алып туысқан,
Туғанынды
Қол соқтыру емес қой даңқ деген.
Қадірлейді сөздің де жұрт қысқасын.
Абыройды азамат мықты ұстасын!
Даңқ деген — керемет аударма да
Емес дер ем...
Біледі ел түпнұсқасын!
Болайын да орысша,
Қазақшаңа!
Сияқтысың сырғыған ғажап шана.
Данқ деген — гүл емес, қыз бергенмен,
Алған болсаң оны да... өз ақшаңа!
Шығам десең,
Өнерде жатыр саты.
Оны ұқпаған өлеңде өтер шатып.
Сатып алдың әйтсе де бір даңқты,
Ол да сені түбінде кетер сатып!



Пікірлер (0)

Пікір қалдырыңыз

Өмір солай

  • 0
  • 0

Жалған айтсам,
Ғайбаттасам —
Оңбайын!
Кейбіреулер демес сені қолдайын.

Толық

Ауа райы көңілдің құбылады

  • 0
  • 3

Ауа райы көңілдің құбылады.
Құбылады,
Кім оны ұғынады?!
Қыран ойлар оянып ұйқысынан,

Толық

Ауылдағы алғашқы күн

  • 0
  • 1

Туған жерде бақыт деген бар құсың.
Туған жерсіз — бейшарасың,
Жарлысың.
Аңсаудайын аңсап келдім алыстан.

Толық

Қарап көріңіз