ай, әйел, ән, әдемі, артық туралы мақал-мәтел

Ерте тұрған жігіттің Ырысы артық, Ерте тұрған әйелдің Бір ісі артық.

ырыс, жігіт

Жақсы әйел - жаман еркектің басын төрге сүйрейді, жаман әйел жақсы еркектің басын көрге сүйрейді.

әйел, ерлі-зайыптылар

Ағайын тату болса – ат көп, Абысын тату болса – ас көп.

ағайын, ынтымақ

Ата-ананың қадірін Балалы болғанда білерсің; Ағайынның қадірін Жалалы болғанда білерсің.

ата-ана, бала

Орта жүзді қамшы беріп дауға қой, Ұлы жүзді қауға беріп малға қой, Кіші жүзді найза беріп жауға қой.

жүз, орта жүз

Бай мен бай құда болса, жорға жүрер, Жарлы мен жарлы құда болса, дорба жүрер, Бай мен кедей құда болса, зорға жүрер.

бай, құда

Бір көрген — біліс, Екі көрген — таныс.

туған, ағайын

Бақыт — қолға қонған құс. Байлық — қолға ұстаған мұз. Құс ұшып кетеді Мұз еріп кетеді, Дүниенің қызығы — сіз бен біз.

бақыт, байлық