жақсы туралы мақал-мәтел

Сойылды соға білмеген, өзіне тигізеді.

қорқақтық, жасқаншақтық

Дәмді болса - достық қымбат, Мәнді болса - жастық қымбат.

достық, жастық

Жұпарды жасыра алмайсың.

жұпар, жасыру

Елу шылбырдан алды, Алпыс тізгіннен алды, Жетпіс өре салды, Сексен – тұсау салды, Тоқсан – толқып қалды.

жас, қарттық

Су ағады, тас қалады, Кәрі кетеді, жас қалады.

су, кәрі

Қарттың айтқанын істе, Жастың тапқанын же.

қарт, жас

Үлкенге – ізет, жасқа – жол.

үлкен, жас

Көп жасағаннан сұрама, Көпті көргеннен сұра.

жас, көрген

Кәрі –қалтаң, Жас – жалтаң, Жас келсе – іске, Кәрі келсе – асқа.

кәрі, жас

Жасыңда жалықпасаң – Қартайғанда тарықпайсың.

жас, қарттық

Жасында байқары жоқтың Жасы жеткенде айтары жоқ.

жас, кәрі

Қартайдым деп, қайырма, Жас бала бар артында, Жалғызбын деп, қайырма Жақсылар бар артында.

қартаю, жас

Анадан артық дос бар ма? Ашудан жаман қас бар ма? Жиырма бестен жақсы жас бар ма? Қымыздан тәтті ас бар ма?

ана, ашу

Ілгері басатын жасты Кері тартқан кәрі қайтарады.

жас, кәрі

Жас бала құстың көлеңкесіне де тоңады.

жас, бала

Жаманға айтқан ақылың — Далаға атқан оқпен тең. Талабы жоқ жас ұлың — Жалыны жоқ шоқпен тең.

жаман, ақыл

Жастық көкке, Кәрілік жерге қаратады.

жастық, кәрілік

Арпа берсең, атқа бер, Қатыр-құтыр шайнасын. Қызды берсең жасқа бер, Құшақтасып ойнасын!

төрт түлік мал, жас

Күйеу — жолдасымен, Қыз — жасауымен.

күйеу, қыз

Жақсы қыздың жасауын Жақын-жаран жасайды. Жаман қыздың жасауын Сұран-тілен жасайды.

жақсы, қыз

Қына тастан шығады, Өнер, білім жастан шығады.

өнер, білім

Жаманның сөзін сөйлеме, Жасықтың дауын даулама.

жаман, жастық

Дәмді болса достық қымбат, Мәнді болса жастық қымбат.

дос, достық

Өмір өтер, жас өсер.

өмір, жас

Жас жүрген жер — мереке. Қарт жүрген жер — береке.

жас, қарт