әкім туралы мақал-мәтел

Надан «ғалыммен» жақын болсаң басың қатады, Ақымақ әкіммен жақын болсаң басың кетеді, Ұстамен жақын болсаң ісің бітеді.

надан, ғалым

Әкімменен араз болсаң күнің жаман, Молдаменен араз болсаң дінің жаман.

әкім, араздық

Әдепсіз үйге кірме, әкімсіз елде тұрма.

әдеп, әкім

Әкім адал болмаса жұрт бұзылар, Сауда адал болмаса нарық бұзалар.

әділ, сауда

Әркім өз қаласына әкім.

қала, парсы мақалы

Ақымақ әкімнің айналасында жарамсақтар отырады, Ақылды әкімнің айналасында ақылды адамдар отырады.

ақымақ, ақылды

Арық малға суық өш, Даулы кісіге әкім өш.

арық, мал

Аспанға ай мен күн екеуі де сияды, Жердегі бір елге екі әкім сыймайды.

аспан, ай

Әдепсіз үйге кіріп болмас, Әкімсіз жұртта тұрып болмас.

әдеп, үй

Әкім ақылды, дана болса, төңірекке бас болар. Ақымақ жауыз болса, төңірекке қас болар.

әкім, дана

Әкім болған көп тұрмас.

әкім

Әкім болсаң, қызметші ал, Ол — сенің аяғың, аяғыңның айыбына көз боп жүр.

әкім, қызметші

Әкім көп беріп, аз алатын болсын.

әкім, аз

Әкім өзгерсе де, әдет өзгермейді.

әкім, әдет

Әкім тура болмаса, жұрт бұзылар, Саудагер жаман болса, нарық бұзылар.

әкім, жұрт

Әкімге қарсы болма, күніңе кемшілік болар, Молдаға қарсы болма, дініңе кемшілік болар.

әкім, молда

Әкімдерден ғадалет тайса, Елдің пейілі тарқайды.

әкім, ел

Әкімдердің ашуынан сақтан.

әкім, ашу

Әкімменен қарсы болсаң, күнің жаман, Молдаменен қарсы болсаң, дінің жаман.

әкім, күн

Әкімнің ақысы болса, Қараның қақысы бар.

әкім, ақы

Әкімнің достығына сеніп болмайды.

әкім, достық

Әкімнің көңілінде болғанша, Көзінде бол.

әкім, көңіл

Әкімнің мойны қылшадай, басы таудай.

әкім, тау

Әкімшіліктен де гөрі әділет қымбат.

әкім, әділет

Әкімі зұлым болса, елі азады.

әкім, зұлым