Мақал-мәтелдер

Қауым елді жамандама,
Қарғысына қаларсың.
Қара жерді жамандама,
Қайтып сонда барарсың.

Ілмектер: жаман, ел

---

---

Наданға жалынғанша,
Адамға жалын:
Надан жолыңды тосады,
Адам қатарға қосады.

Ілмектер: надан, адам

---

---

Тыстағы мың жаудан,
Үйдегі бір жау жаман.

Ілмектер: отбасы, жаман

---

---

Көргені жаман —
Бергенін айтады.

Ілмектер: жаман

---

---

Көргені жаман оңбайды,
Айтқан тілді алмайды.
Алғаны жаман оңбайды,
Қағып төсек салмайды.

Ілмектер: жаман, үйлену

---

---

Жаманның бір қылығы артық,
Жағасы жыртық.

Ілмектер: жаман, қылық

---

---

Жатқа мініңді айтпа,
Жаманға сырыңды айтпа.

Ілмектер: жат, жаман, сыр

---

---

Сөйлей білмес жаманның,
Сөзі өтпес бір пышақ.
Сөз білетін адамның
Әр сөзіне бір тұсақ.

Ілмектер: жаман, адам, сөз

---

---

Жабағы тайдың тері ащы,
Жаман адамның тілі ащы.

Ілмектер: жаман, адам, тіл

---

---

Бір сапар ер арытпас,
Жаман жолдасын жарытпас.

Ілмектер: жаман, жолдас

---

---

Қамысты қатты ұстамасаң,
Қолыңды кеседі,
Жаманды қатты ұстамасаң,
Тоныңды шешеді.

Ілмектер: жаман

---

---

Жамандықта – тек жоқ,
Жауыздықта – шек жоқ.

Ілмектер: жамандық

---

---

Өгізді өрге салма
Қарың талар.
Жаманға сөзің салма
Сағың сынар.

Ілмектер: сөз, жаман

---

---

Бір жаманның ниеті түзелсе
Екі жаманнаң беті түзеледі.

Ілмектер: жаман, ниет

---

---

Сұм сипап отырып шымшиды.

Ілмектер: сұм, адам

---

---

Сатарда атың жаман,
Ажырасарда қатын жаман.

Ілмектер: жаман, қатын

---

---

Топас адам – тобашыл,
Жаман адам – табашыл.

Ілмектер: адам

---

---

Туа жаман жоқ,
Жүре жаман бар.

Ілмектер: жаман

---

---

Жаманның барынан – жоғы,
Ашынан – тоғы.

Ілмектер: жаман

---

---

Көз аласынан,
Сөз саласы жаман.

Ілмектер: сөз

---

---