Мақал-мәтелдер

Жақсы атқа бір қамшы,
Жаман атқа мың қамшы.

Ілмектер: жақсы, жаман

---

---

Жаманға шөп батады,
Жақсыға сөз батады.

Ілмектер: жаман, жақсы, сөз

---

---

Жаманның сөзі
Түйеден түскендей,
Жақсының сөзі
Диірменнен шыққандай.

Ілмектер: жаман, жақсы, сөз

---

---

Жақсы сөзіңді сыйлар
Жаман тезіңді сыйлар.

Ілмектер: жақсы, жаман, сөз

---

---

Басыңа іс түссе,
Жақсы көмек етеді,
Жаман күліп өтеді.

Ілмектер: іс, жақсы, жаман

---

---

Жақсыға шаң жуымас,
Жаманға жан жуымас.

Ілмектер: жақсы, жаман

---

---

Ескіге жаңа — өлшеуіш,
Жаңаға жақсы — өлшеуіш.

Ілмектер: ескі, жаман, өлшеу

---

---

Жақсы әке жаман балаға,
Қырық жылдық ризық.

Ілмектер: жақсы, жаман, әке, бала

---

---

Жаманмен жолдас болсаң,
Кесірі жұғар,
Жақсымен жолдас болсаң,
Несібі жұғар.

Ілмектер: жаман, жолдас

---

---

Жақсыға жанас,
Жаманнан адас.

Ілмектер: жаман, жақсы

---

---

Жаман мақтанса қатынын сабар.

Ілмектер: жаман, қатын, мақтану

---

---

Жақсыдан жаман туады,
Бір аяқ асқа алғысыз;
Жаманнан жақсы туады,
Адам айтса нанғысыз.

Ілмектер: жақсы жаман

---

---

Жаманға айтқан ақыл,
Жапанға атқан оқпен тең.

Ілмектер: жаман, ақыл

---

---

Құтырған әкім
Құдыққа түкіреді.

Ілмектер: әкім, құтырған

---

---

Азар болса, жақын жаман,
Шабан болса, атың жаман.
Шайпау болса, қатын жаман.

Ілмектер: жаман, қатын, отбасы

---

---

Іші тарлық — сараңның ісі,
Жалақорлық — жаманның ісі.

Ілмектер: сараң, жаман, іс

---

---

Жаман есепші
Жанынан төлейді.

Ілмектер: жаман

---

---

Қыңыр істің қырық жылдан соң да
Қиығы шығар.

Ілмектер: іс

---

---

Даңқ қуған далама қалады,
Мақтан қуған масқара болады.

Ілмектер: даңқ, мақтан

---

---

Жаман адам төршіл.

Ілмектер: жаман, адам

---

---