Мақал-мәтелдер

Жаңа дос келгенде,
Ескі достың көзінен жас шығар.

Ілмектер: дос

---

---

Айрылғысы келген дос,
Аяулыңды сұрайды.

Ілмектер: дос

---

---

Досыңның пышағымен мүйіз кес,
Дұшпаныңның пышағымен киіз кес.

Ілмектер: дос, дұшпан

---

---

Дос бергеннің түсіне қарама.

Ілмектер: дос

---

---

Ас барында дос жоқ,
Ат барында той жоқ.

Ілмектер: дос

---

---

Есепті дос айырылмас.

Ілмектер: дос

---

---

Бақыт кетсе басыңнан:
Әуелі досың мен құдаң кетер.
Бидай еккен жеріңе
Мия мен тікен бітер.
Бақыт, байлық басыңа қайта оралса:
Кеткен достар әр жерден жылмаң етер.

Ілмектер: бақыт, дос

---

---

Мың асқанға, бір тосқан.

Ілмектер: мінез-құлық

---

---

Екі тентек қосылса
Жаудай болар.
Екі мақұл қосылса
Таудай болар.

Ілмектер: тентек, мінез-құлық

---

---

Жақсы жігіт
Досының қамын ойлайды.
Жаман жігіт
Басының қамын ойлайды.

Ілмектер: жақсы, жаман, жігіт, дос

---

---

Жақсыға айтсаң
Бітірер,
Жаманға айтсаң
Жітірер.

Ілмектер: жақсы, жаман, мінез-құлық

---

---

Адал мінез адамдар:
Арттағыларға жол салып
Із тастап өтеді.
Арам мінез адамдар:
Арттағыларға тікен төгіп,
Біз тастап өтеді.

Ілмектер: мінез-құлық

---

---

Көрген көргенін,
Көсеу түрткенін істейді.

Ілмектер: көрген, мінез-құлық

---

---

Жақсыға айтқан тура сөз —
Жасақ тіккен тумен тең.
Жаманға айтқан тура сөз —
Құмға төккен сумен тең.

Ілмектер: жақсы, жаман, сөз

---

---

Жақсының қасиеті — жарастыру,
Жаманның қасиеті— таластыру.

Ілмектер: жақсы, жаман, мінез-құлық

---

---

Жаманға етіңді бер,
Жамандығын қойсын деп.
Жақсыға ниетіңді бер,
Мерейі толсын деп.

Ілмектер: жақсы, жаман, мінез-құлық

---

---

Жақсыны көрсең —
Көңілің ашылады,
Жаманды көрсең —
Көңілің басылады.

Ілмектер: жақсы, жаман

---

---

Жаманға басшы болғанша,
Жақсыға қосшы бол.

Ілмектер: жақсы, жаман

---

---

Жақсының басына іс түссе,
Ашынар да, ашылар.
Жаманның басына іс түссе,
Төгілер де, шайылар.

Ілмектер: жақсы, жаман, мінез-құлық

---

---

Екі жақсы қас болмас,
Екі жаман дос болмас.

Ілмектер: жақсы, жаман, дос

---

---