Мақал-мәтелдер

Сырты жылтыр, іші бос,
Қуыршақпен болма дос!

Ілмектер: дос

---

---

Досыңа шапан кигізсең,
Ішік кигізді дейді.
Қасыңа ішік кигізсең
Шапан кигізді дейді.

Ілмектер: дос, қас

---

---

Түлкі мінез адамдар,
Досты досқа жамандар.

Ілмектер: дос, адам

---

---

Дос құшағы — жаз!

Ілмектер: дос

---

---

Білімдар достан бір сақтан,
Білімсіз достан мың сақтан.

Ілмектер: дос

---

---

Егер біреу жолға шықса,
Аман барып, сау қайтсын.
Шын тілектес досы болса,
Сол тілеуді күнде айтсын.

Ілмектер: жол, дос, тілек

---

---

Жақындай қимас —
Шын досыңмен сыйлас.

Ілмектер: дос

---

---

Өзің қандай болсаң, досың сондай.

Ілмектер: дос

---

---

Жалған достан — жау артық.

Ілмектер: жау, дос

---

---

Дос — ажарың,
Жолдас — базарың.

Ілмектер: дос, жолдас

---

---

Ежелгі жау ел болмайды.

Ілмектер: жау, ел

---

---

Жаман дос:
Озып бара жатсаң
Етегіңді басады,
Қалып бара жатсаң
Қасыңнан қашады.

Ілмектер: дос

---

---

Сүйек тамыр —
Сүйенісіп күн көреді.
Ауыз тамыр —
Айтысып артығын алады.

Ілмектер: мінез-құлық

---

---

Досыңмен көп сөйлеспе,
Жолынан қалдырарсың.
Дұшпаныңмен көп сөйлеспе,
Сырыңды алдырарсың.

Ілмектер: дос, дұшпан

---

---

Дос көргеннен түңілме.

Ілмектер: дос

---

---

Есептескен — дос болмас.

Ілмектер: дос

---

---

Қайғың болса,
Досыңа бар.
Қарныңашса,
Қосыңа бар.

Ілмектер: дос, қайғы

---

---

Адамның көңілі
Бір атым насыбайдан қалады.

Ілмектер: адам, көңіл, мінез-құлық

---

---

Қалған көңіл — шыққан жан.

Ілмектер: көңіл

---

---

Досы көпті жау алмайды,
Ақылы көпті дау алмайды.

Ілмектер: дос, ақыл

---

---