Мақал-мәтелдер

Жақсылық жар басында,
Жамандық жастық астында.

Ілмектер: жақсылық, жамандық

---

---

Екі жақсы қосылса,
Қыл өтпейді арадан.
Екі жаман қосылса,
Қол кетпейді жағадан.

Ілмектер: жақсы, жаман

---

---

Жақсы кісі сырқаттанса,
Көңілін сұрар ағайын.
Жаман кісі сырқаттанса,
Жан баспайды маңайын.

Ілмектер: жақсы, жаман, кісі

---

---

Жаманға қол бергенше
Жақсыға жол бер.

Ілмектер: жақсы, жаман

---

---

Жақсы әйел ер көңілін өсіреді,
Жаман әйел ер отын өшіреді.

Ілмектер: әйел, ер, жақсы, жаман, отбасы

---

---

Жаманшылық пен
Жақсылық егіз.

Ілмектер: жақсылық, жаманшылық

---

---

Жаманды көрмей,
Жақсыны танымайсың.

Ілмектер: жаман, жақсы

---

---

Өзіңді зорсынба,
Өзгені қорсынба.

Ілмектер: мінез-құлық

---

---

Жақсының басына іс түссе,
Отбасына білдірмейді.
Жаманның басына іс түссе,
Отбасын күлдірмейді.

Ілмектер: жақсы, жаман, отбасы

---

---

Асыл туған адамның
Алтын жетпес нарқы бар.
Жақсы менен жаманның
Аспан мен жердей парқы бар.

Ілмектер: жақсы, жаман, адам, мінез-құлық

---

---

Жақсымен жанассаң
Атаққа ілінерсің.
Жаманмен жанассаң
Шатаққа ілігерсің.

Ілмектер: жақсы, жаман, мінез

---

---

Жақсыны көріп,
Пікір ет,
Жаманды көріп,
Шүкір ет.

Ілмектер: жақсы, жаман, мінез-құлық

---

---

Жаман көрші:
Ұрыс пен керіс.
Жақсы көрші:
Ауыс пен беріс.

Ілмектер: көрші

---

---

Өмірге риза болып, алғыс айт.

Ілмектер: өмір

---

---

Бірлігі жоқ ел тозады,
Бірлігі күшті ел озады.

Ілмектер: бірлік

---

---

Әдептілікті данадан үйрен.

Ілмектер: әдеп

---

---

Жер шежіресі - ел шежіресі.

Ілмектер: шежіре, жер

---

---

Білім - елге,
Су - жерге.

Ілмектер: су, білім

---

---

Жер - қазына,
Су - алтын.

Ілмектер: жер, су

---

---

Тау кезеңсіз болмас,
Өлке өзенсіз болмас.

Ілмектер: тау, өлке

---

---