Көлеңкеге қарап көйлек пішпес болар.

Ілмектер: өнер, шебер

---

---

Өнерліге есік ашық.

Ілмектер: өнер

---

---

Жұмыс қылып бой түзе.
Өнер қуып ой түзе.

Ілмектер: жұмыс, өнер

---

---

Қол өнері — кілемде,
Сөз өнері — өлеңде.

Ілмектер: қол өнер, сөз, өнер

---

---

Жігітке жетпіс өнер де аз.

Ілмектер: жігіт, өнер

---

---

Ұзынсыз қысқа болмас,
Үлгісіз ұста болмас.

Ілмектер: өнер

---

---

Қолы жатықтың
Ішкені қатық болар.

Ілмектер: өнер

---

---

Мылтығыңның күмісін айтпа,
Тиісін айт.

Ілмектер: өнер

---

---

Ұстамен жақын болсаң
Ұстарасын аларсың.
Мүттайыммен жақын болсаң
Пәлесіне қаларсың.

Ілмектер: пәле, ұста, өнер

---

---

Жібекті түте білмеген жүн етер,
Қызды күте білмеген күң етер.

Ілмектер: қыз, өнер

---

---

Озар елдің қызы мінезді,
Ұлы өнерлі келеді.

Ілмектер: қыз, ұл, өнер

---

---

Бала соққан кездіктің
Басы жарық.

Ілмектер: өнер

---

---

Істің көзін таппағанның
Күші зая,
Еңбегі ештің
Істеген ісі зая.

Ілмектер: еңбек, іс, өнер

---

---

Ерінбеген етікші болады,
Ұялмаған өлеңші болады.

Ілмектер: өнер

---

---

Шаштараз сақал түзетер,
Өнерпаз шаһар түзетер.

Ілмектер: өнер

---

---

Оймақ пішсең де,
Ойлап піш.

Ілмектер: өнер

---

---

Бөрі соғар жігіттің
Бөрігінен белгілі.
Балта соғар жігіттің
Көрігінен белгілі.

Ілмектер: өнер, жігіт

---

---

Алтын ерің атқа тисе,
Алтынын ал да отқа жақ.

Ілмектер: алтын, өнер, қол өнері

---

---

Болар іс болды,
Бояуы сіңді.

Ілмектер: іс, өнер

---

---

Өз үйінде ою оймаған,
Кісі үйінде сызу сызады.

Ілмектер: өнер, қол өнері

---

---