Мақал-мәтелдер

Жамандыққа жақсылық.
Ұяты барды ұрғаның.
Жақсылыққа жамандық
Тек зұлымдық қылғаның.

Ілмектер: жамандық, мінез-құлық

---

---

Бақ оралса басыңа,
Дос жиылар қасыңа,—
Егініңді ел салысар,
Қырманыңды ел алысар,
Наныңды ел жабысар,
Малыңды ел бағысар,
Бақ кеткенде басыңнан —
Жоқтан бәле жабысар,
Егініңді өрт шалар,
Сау басыңды дерт шалар!

Ілмектер: бақ, дос, дерт

---

---

Жаманның қолында болғанша,
Жақсының жолында бол.

Ілмектер: жақсы, жаман, мінез-құлық

---

---

Адамгершілікке арналған
Үш сауап бар:
Шөлге құдық қазған,
Өзенге көпір салған,
Жолға ағаш еккен.

Ілмектер: сауап, адамгершілік

---

---

Жақсының сөзі:
Шамдай жарық,
Айдай анық.

Ілмектер: жақсы, сөз

---

---

Жағымпаз надан —
Жаудан жаман.

Ілмектер: надан

---

---

Сүймегенге сүйкенбе
Бағың кетеді,
Мың тіллалық басыңды
Бір пұл етеді.

Ілмектер: бақ

---

---

Ермек қуған
Бәлеге жолығады;
Еңбек қуған
Қазынаға молығады.

Ілмектер: еңбек

---

---

Өзін ғана ойлаған
Жамандықтың белгісі,
Өзгені де ойлаған
Адамдықтың белгісі.

Ілмектер: адам, мінез-құлық, жақсы, жаман

---

---

Жақсының өзі де жақсы,
Сөзі де жақсы.

Ілмектер: жақсы, сөз

---

---

Жақсыға құрмет
Жас-жаранға міндет.

Ілмектер: құрмет, мінез-құлық

---

---

Аққа қара жоқ,
Қараға шара жоқ.

Ілмектер: мінез-құлық

---

---

Жақсы адам туса —
Көптің ырысы,
Жазғы жаңбыр жауса,
Көктің ырысы.

Ілмектер: ырыс, адам

---

---

Мейірімділік —
Жүректен.

Ілмектер: жүрек, мейірімділік, мінез-құлық

---

---

Жаман етіңе келеді,
Жақсы ниетіңе келеді.

Ілмектер: жақсы, жаман, мінез-құлық

---

---

Жақсының сөзі кепіл,
Жаманның өзі кепіл.

Ілмектер: сөз, жақсы, жаман, мінез-құлық

---

---

Айыратын жаман бар,
Қосатын жараң бар,
Барын ішпейтін сараң бар,
Жасырып ішетін арам бар.

Ілмектер: жаман, сараң, мінез-құлық

---

---

Жақсы жүрген жерін
Мақтап жүреді,
Жаман жүрген жерін
Даттап жүреді.

Ілмектер: жақсы, жаман, мінез-құлық

---

---

Қарға қаңқылдаса,
Қысты шақырады.
Қаз қаңқылдаса,
Жазды шақырады

Ілмектер: жыл мезгілдері, құс

---

---

Жаны жайсаң жігіттер
Дария шалқар көлмен тең:
Жан аян кескен жігіттер
Ел қонбаған шөлмен тең.

Ілмектер: мінез-құлық, жігіт

---

---