Өлең, жыр, ақындар

Мақал-мәтелдер

Ұл таппас қатын болмас,
Тұрарын айт.
Мал таппас жігіт болмас,
Құрарын айт.

Ілмектер: қатын, жігіт, отбасы

Байсыз қатын — баусыз оймақ.

Ілмектер: үйлену, отбасы, қатын

Салақ қатынның үйінен,
Сабақты ине табылмас.

Ілмектер: салақ, отбасы, қатын

Көшерде жұрт жаман,
Айрыларда әйел жаман.

Ілмектер: әйел, отбасы

Бір үйде екі әйел болса — ойран,
Бір үйде екі сиыр болса — айран.

Ілмектер: әйел, отбасы, үйлену

Жақсы жұбай — жарым бақыт.

Ілмектер: отбасы, бақыт, жұбай

Ер жігіттің аты жақсы болса бір бақыт,
Алған жары жақсы болса мың бақыт.

Ілмектер: үйлену, отбасы

Қатыны жоқ,
Ханның қызын алам дейді.

Ілмектер: қатын, отбасы

Қатынның қоры — табашыл,
Еркектің қоры — тобашыл.

Ілмектер: қатын

От жақпаған үй — қорамен тең,
Кісі кірмеген үй — моламен тең.

Ілмектер: үй, отбасы

Астыңда атың болса,
Арғымақ не керек?
Жақсы қатының болса
Ұжмақ не керек!

Ілмектер: қатын, отбасы

Бір қатын сылаумен қатын,
Бір қатын қынаумен қатын,
Бір қатын сынаумен қатын.

Ілмектер: қатын, үйену

Күндестің күні де күндес,
Күлі де күндес.

Ілмектер: үй болу, үйлену, отбасы

Қатын көп болса,
Шөмішті ит жалар.

Ілмектер: қатын

Айлас қатын — мұңдас.

Ілмектер: қатын, отбасы

Қапияда қатын ақыл табады.

Ілмектер: қатын, ақыл, отбасы

Келіннің бетін кім бұрын ашса,
Сол ыстық.

Ілмектер: үйлену, отбасы, келін

Олақ қатын оймақшыл,
Салақ қатын сауықшыл.

Ілмектер: қатын, отбасы

Төркіні жақын қатынның
Төсегі жиылмайды.

Ілмектер: төркін, қатын, отбасы

Жаман қатын алғанның
Жауы үйінде.
Екі қатын алғанның
Дауы үйінде.

Ілмектер: қатын, отбасы, үйлену