Мақал-мәтелдер

Өтірік айтқанша үндемеген абзал.

Ілмектер: өтірік

---

---

Ер жігітке өлімнен ұят күшті.

Ілмектер: ұят

---

---

Ел намысы – ер намысы.

Ілмектер: ел

---

---

Мал сақтама, ар сақта.

Ілмектер: ар

---

---

Көз көргенді көңіл тілейді.

Ілмектер: көңіл

---

---

Есек болса, ерттеуші табылар.

Ілмектер: есек

---

---

Себепсіз сергелдең жоқ.

Ілмектер: себеп

---

---

Жолдасы жақсы — жолды болар,
Жолдасы жаман — қолды болар.

Ілмектер: жол, жолдас

---

---

Жорға мінген,
Жортақы мінгенмен жолдас емес.

Ілмектер: жолдас

---

---

Қабаған ит келер ырысты қайырар,
Қарау қатын жолдасыңнан айырар.

Ілмектер: жолдас, қатын

---

---

Ұлы жол,
Үйіңнің табалдырығынан басталады.

Ілмектер: жол, үй

---

---

Әңгіме жолдан қалдырар,
Жолсыздық ұрыға алдырар.

Ілмектер: жол, ұры

---

---

Батыл жігіт жол бастар,
Ақын жігіт той бастар.

Ілмектер: жол, жігіт, той

---

---

Жаманмен жолдас болсаң,
Жаласына қаласың,
Наданмен жолдас болсаң,
Бәлесіне қаласың.

Ілмектер: жолдас

---

---

Алысқа сілтейтін —
Асыл — мұрат.

Ілмектер: мұрат

---

---

Сөз анасы — құлақ
Жол анасы — тұяқ.
Су анасы — бұлақ.
Көз анасы — шырақ.

Ілмектер: жол, су

---

---

Жасық жолдастан
Жыңғыл таяқ артық.

Ілмектер: жолдас

---

---

Ар, намысы бар жігіттің
Жолдасы бар жолында.
Ар, намысы жоқ жігіттің
Ұяты бар қолында.

Ілмектер: ар, намыс, жігіт, жолдас

---

---

Аяқ — арғымақ.
Қол — азамат.
Көз — жанат.
Сөз — қанат.

Ілмектер: сөз, аяқ, қол, көз

---

---

Сара жолдың қадірін
Адасқанда білерсің.
Қарындастың қадірін
Қарасқанда білерсің.

Ілмектер: жол, қадір

---

---