Мақал-мәтелдер

Жолға шыққан жолаушы
Жол амалын сұрайды.
Артта қалған ауылда
Ел аманын сұрайды.

Ілмектер: жол, жолаушы

---

---

Жол жолға жалғасады,
Ел елге жалғасады.

Ілмектер: жол, ел

---

---

Арбалыға жорғалы
Жолдас болмас.

Ілмектер: жолдас

---

---

Жолдасың темірші болса,
Өзің көмірші болғаның құп.

Ілмектер: жолдас

---

---

Жолға шықсаң жолдасыңның
Жүгі болма, жұбы бол.

Ілмектер: жол, жолдас

---

---

Жолдасы көбейсе — жол кеңейеді.

Ілмектер: жолдас

---

---

Асыққанның жолы
Алыстан кетеді.

Ілмектер: жол

---

---

Арбасының дөңгелегін майламаса,
Арбакештің шайы қайнамайды.

Ілмектер: жол, жолаушы

---

---

Жолдасың бұзық болса,
Сенің түзіктігің қайсы?

Ілмектер: жолдас

---

---

Жолаушыны жол сынайды.

Ілмектер: жолаушы, жол

---

---

Жол сұраған кісі адаспайды,
Жөн сұраған кісі жаңылыспайды.

Ілмектер: жол

---

---

Алыс сапар,
Алғашқы адымнан басталады.

Ілмектер: сапар, жол

---

---

Жолаушының ақысы — жүрсе өнеді.

Ілмектер: жолаушы

---

---

Жүрместен бұрын,
Жолыңды байқа,
Киместен бұрын,
Тоныңды байқа.

Ілмектер: жол

---

---

Жортуылшының басы жолда қалады.

Ілмектер: жол

---

---

Жолдасың жақсы болса
Жолым ұзын деме,
Жолдасың жаман болса,
Қолым ұзын деме.

Ілмектер: жолдас, жол

---

---

Қасқыр ішік киген
Қасындағы жолдасының
Тоңғанын білмес.

Ілмектер: жолдас

---

---

Көзі соқырға жолдас болсаң да,
Көңілі соқырға жолдас болма.

Ілмектер: көңіл, жолдас

---

---

Алыс жүрсең де, жолмен жүр.

Ілмектер: жол

---

---

Жалғыз жүрсең, жолмен жүр,
Жолдан жолдас қосылар.
Жолдан жолдас қосылса,
Жолың болмас несі бар?!

Ілмектер: жол, жолдас

---

---