Мақал-мәтелдер

Ісек қойдың басы үлкен,
Саулық қойдың жасы үлкен.

Ілмектер: жан-жануар, төрт түлік мал

---

---

Екі қошқардың басы
Бір қазанға сыймас.

Ілмектер: жан-жануар, төрт түлік мал

---

---

Қойдың сүті — қорғасын.

Ілмектер: жан-жануар, төрт түлік мал

---

---

Малды бақсаң қойды бақ,
Май кетпейді шарадан.
Ит асырасаң сырттаннан
Қой бермейді қорадан.

Ілмектер: жан-жануар, төрт түлік мал

---

---

Жақсылық етсең, жарты етпе.

Ілмектер: жақсылық

---

---

Жақсыны көріп —
Жан семіреді.

Ілмектер: жақсы, жан

---

---

Ақылды кісіні аяла,
Ақымақ кісіні аяма.

Ілмектер: ақылды, ақымақ

---

---

Жақсылық ұмытылмас.

Ілмектер: жақсылық

---

---

Өгіздің өзі қартайса да,
Мұрыны қартаймайды.
Жақсының өзі қартайса да,
Көңілі қартаймайды.

Ілмектер: жақсы

---

---

Жақсы ай менен күндей,
Жақсылығы жанның бәріне бірдей.

Ілмектер: жақсы, жақсылық

---

---

Жақсы кісі өлмесін,
Жамандықты көрмесін.

Ілмектер: жақсы, жамандық

---

---

Жақсы — елдің мақтаны,
Жұпар гүл — жердің мақтаны.

Ілмектер: жақсы, мақтан, ел

---

---

Жігіт жақсысын —
Сұлтан дейді,
Ит жақсысын —
Сырттан дейді.

Ілмектер: жігіт, жақсы

---

---

Жақсы жастан шығады,
Темір тастан шығады.

Ілмектер: жақсы, жас

---

---

Жақсының жаттығы жоқ.

Ілмектер: жақсы, жат

---

---

Адалдық ардың ісі,
Ауырлықты көтеру нардың ісі.
Жақсы іске жан сүйінер.

Ілмектер: адал, жақсы, ар

---

---

Жоқтыққа жүйрік жетпейді.

Ілмектер: жоқтық

---

---

Жақсылық біреуден қайтпаса,
Біреуден қайтады.

Ілмектер: жақсылық

---

---

Асылдың сынығы —
Айдынның тұнығы.

Ілмектер: асыл, жақсы

---

---

Алғаның жақсы болса,
Бұл дүниенің шырағы.
Мінгенің жақсы болса
Бұл жалғанның пырағы.

Ілмектер: жақсы

---

---