Мақал-мәтелдер

Аз жақсылық —
Ақылды тең етеді.
Көп жақсылық —
Ақылды кең етеді.

Ілмектер: жақсылық, ақыл

---

---

Жарлыға қарас,
Жәрдемі тиер әр жерде,
Жақсымен жанас,
Шарапаты тиер тар жерде.

Ілмектер: жақсы

---

---

Жақсылық қылсаң жасыр,
Жақсылық көрсең асыр.

Ілмектер: жақсылық

---

---

Жақсылардың үлгісі
Жанып тұрған шамдай.
Шешендердің сөздері
Ағып тұрған балдай.

Ілмектер: жақсы, шешен

---

---

Жақсының үйі түссе,
Күйі түседі,
Жаманның үйі түссе
Миы түседі.

Ілмектер: жақсы, жаман

---

---

Ақ сұңқар ұшқырмын деп мақтанба,
Алдында құрулы торлар бар.
Арғымақ жүйрікпін деп мақтанба
Алдында алуан орлар бар.

Ілмектер: мақтаншақ, мақтаншақтық

---

---

Қас жақсының белгісі
Қайғысын жұртқа білгізбес.

Ілмектер: жақсы

---

---

Жақсымен сөйлесең,
Көңілің ашылады.
Биік төбеге шықсаң
Көзің ашылады.

Ілмектер: жақсы

---

---

Жақсы туса – ел ырысы,
Жауын жауса – жер ырысы.

Ілмектер: жақсы, ел, ырыс

---

---

Жақсы қыз –
Жағадағы құндыз,
Жақсы жігіт –
Көктегі жұлдыз.

Ілмектер: жақсы, қыз, жігіт

---

---

Аққу құстың төресі,
Жалғыз жатып оттамас
Қас жақсының белгісі
Қара сөзді жақтамас.

Ілмектер: жақсы

---

---

Жақсы адамда жаттық жоқ,
Тәуекелдің көңілі жоқ.

Ілмектер: жақсы, тәуекел

---

---

Жақсыны жатқа санама,
Аласаны атқа санама.

Ілмектер: жақсы

---

---

Жақсының аты өлмейді,
Ақынның хаты өлмейді.

Ілмектер: жақсы

---

---

Жақсы лепес –
Жарым ырыс.

Ілмектер: жақсы, ырыс

---

---

Асыл әйел –
Әрі еркек, әрі қатын.

Ілмектер: әйел, еркек

---

---

Жақсыны көрмек үшін.

Ілмектер: жақсы

---

---

Ай жарығы – әлемге,
Шам жарығы – түбіне.

Ілмектер: жақсылық

---

---

Жақсы кісі қартайса да,
Ақылынан танбас,
Жақсы ат қартайса да,
Жүрісінен танбас.

Ілмектер: жақсы

---

---

Күн ортақ,
Ай ортақ
Жақсы ортақ.

Ілмектер: жақсы

---

---