Күшік
«Бұлт аумайды» - десе де,
Жаңбыр жауды кеше де.
Келе жатты бір күшік,
Жалғыз өзі көшеде.
Кім болмақ?
Болса күннің жарығы,
Ағаштың бар тамыры.
Самғау үшін қағатын
Құстардың бар қанаты.
Жоғалған етік
Жүр етігін әлі іздеп,
Жоқ бөлмеде, дәлізде.
Тұр сыңары мұңайып,
Енді кімнен сұрайық?
Сен ұйықтап жатқанда
Сен ұйықтап жатқанда,
Көкжиектен таң атты.
Тұрып ерте ақ таңда,
Суарды ағаң торы атты.
Сүргі мен балта
Ағаштың мен бұтағын
Демалмастан бұтадым.
Ел сүйе ме ынжықты?
Маңдайымнан тер шықты.
Ең жақын адам
Шағып алса қалақай,
Тентегім деп күледі.
Құлатты ма ала тай –
Айтпасаң да біледі.
Менің отбасым
«Құлыным!» деп өбеді,
Мейірім- нұрын төгеді.
Тиянақты әр ісі,
Анам үйдің - ырысы!
- Асқар Сүлейменов
- Асқар Сүлейменов
- Асқар Сүлейменов
- Асқар Сүлейменов
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі