Сенің бейнең
Сенің бейнең көз алдымнан кетпейді,
Менің күнім сені ойлаусыз өтпейді.
Нұр жүзді көру үшін бір сәтке,
Бара жатам өрлеп биік беткейді.
Қашан көрсем, тұрасың сен күлімдеп
Қашан көрсем, тұрасың сен күлімдеп,
Күн шығыстан күліп шыққан күнім боп.
Өзіңді де, өзгені де мәз қылып,
Жайраңдайсың жан секілд мұңың жоқ.
Көкірегіме керемет төгіп бір ән
Көкірегіме керемет төгіп бір ән,
Жүрегіммен жүзіңді көріп тұрам.
Ал, өзіңді көргенде, бойым балқып,
Қорғасындай оттағы еріп тұрам.
Барады күндер өтіп
Күндер өтіп барады, күндер өтіп,
Тәтті ұйқыға бөленген түндер өтіп.
Көпшіліктің көңілін күпті етуде
Күйкі тірлік күнделік діңкелетіп.
Жан мен тән
Адамды көр бақылап,
Жан мен тәннен тұрады.
Су мен темір, топырақ –
Дененің шын құрамы.
Қой үстінде бозторғай
Қой үстінде бозторғай
Ұя салған кездер-ай.
Айтылмаған сөз қалмай,
Ұға салған кездер-ай.
Көктем келді
Көктем келді ырғатыла,
Сылаң қағып сай-сала.
Қызғалдақтар қырға тұна,
Құлпырды бар айнала.
Ақын – елдің еркесі
Ақын – елдің еркесі,
Ақын – төлдің серкесі.
Қайда барса, ақынды
Қарсы алады өлкесі.
Барлық мадақ Аллаға
Иесі бар ғаламның,
Барлық мадақ Аллаға.
Алла деген адамның
Серігі иман қайда да.
Өзіңді өзің күтпесең
Өзіңді өзің күтпесең,
Өзгеден көмек күтпе сен.
Шалдықсаң ауыр кеселге,
Басталар сарсаң, бітпес ем.
Бір Алла ғана қорғайды
Демеймін мына тірлікте
Өзгеден көмек болмайды.
Береке басы бірлкте,
Ісіңді бірлік оңдайды.
Жадыратып жанымды...
Жадыратып жанымды сазы алыстан,
Көлдеріңнен көңілді қаз әні ұшқан,
Өркен жайған, өскелең, өмірлі елім,
Қадірменді, кең дарқан Қазақстан.
Сен деп жүрек бұлқынды
Сыңғыратып күй түрлі,
Шайдай аштың ұйқымды.
Келбетіңмен керемет
Сүйкімдісің, сүйкімді.
Жата бергім келеді
Жата бергім келеді, жата бергім,
Тәтті ұйқыға балбырап бата бергім.
Ей, аруақ, азырақ тоқтай тұршы,
Біраз өмір сүруге бата бергін.
Жұмыс деп таппай тынымды
Жұмыс деп таппай тынымды,
Көз ілмейтін секілдісің.
Өзіңнің сұлулығыңды
Сезінбейтін секілдісің.
Пікірлер
-
Лалиск
Өте қиын -
Неймар
Қиын ғой -
Адина
Күшті мақалдар екен???? -
жанна
күшті мықты
- Мәулітбек Ұлас
- Элиас Канетти
- Элиас Канетти
- Элиас Канетти
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі