Әркім қылығынан табар,
Пейілінен жазар.

Ілмектер: адам, пейіл, қылық

---

---

Бір беткей адам — бірлікті бұзады,
Теріс мінез адам тірлікті бұзады.

Ілмектер: адам

---

---

Кісі арасында кісі бол,
Үлкені болма, кіші бол.
Қызмет қылсаң жорғалап,
Маңдайдан терің сорғалап,
Азаматтың ісі бұл.

Ілмектер: кісі, адам, қызмет

---

---

Қаланған қыш құламас,
Қайырымды адам жыламас.

Ілмектер: адам

---

---

Асқанға аспан да аласа.

Ілмектер: адам

---

---

Адал кісі арымас,
Арам кісі жарымас.

Ілмектер: арам, адал, адам

---

---

Жабағы тайды қорлама
Жазға шықса, ат болар,
Жас жігітті қорлама
Жұртына ертең бас болар.

Ілмектер: адам, жігіт, қорлық

---

---

Атты жол,
Адамды жолдастық сынайды.

Ілмектер: жол, адам, жолдас

---

---

Көрген сайын «сіз» десіп,
Сыйласқанға не жетсін.
Шашылғанды бірлесіп.
Жинасқанға не жетсін.

Ілмектер: сыйластық, адам

---

---

Арманы бар адамның
Бойында қайнар қуаты,
Алдында жанар мұраты.

Ілмектер: адам, арман

---

---

Ат тұсаусыз болмас,
Адам дұспансыз болмас.

Ілмектер: адам

---

---

Адам жылқы мінезді:
Бір күнде түлейді,
Бір күнде жүдейді.

Ілмектер: мінез, адам

---

---

Адамды қанағат аздырмайды,
Қайғы аздырады.

Ілмектер: адам, қайғы

---

---

Сыпайы сырын сақтар,
Әдепті арын сақтар.

Ілмектер: әдепті, адам

---

---

Адам тастан қатты,
Гүлден нәзік.

Ілмектер: адам

---

---

Арсызбен сыйлас болғанша,
Арлымен мұңдас бол.

Ілмектер: адам

---

---

Қырыққа келген қырқылжың
Қыл арқанға тайып құлады.

Ілмектер: адам

---

---

Жалғыздың шығар-шықпас жаны бар,
Екеудің ер мінер аттай жалы бар.

Ілмектер: адам

---

---

Қатынның қары күлегеш,
Еркектің қоры күлегеш.

Ілмектер: қатын, еркек, адам

---

---

Қайырсыз адам — сараң,
Құм ішінде шөлмен тең.
Қайыры мол адам —
Суаты шалқар көлмен тең.

Ілмектер: адам, қайырлы, қайырсыз

---

---