Заң және тәртіп.
Ақтөбе қаласы
Әл-Фараби атындағы №21 мамандандырылған
гимназияның 8 класс оқушысы
Асқарұлы Санжар


1) Заң мен тәртіп сақталу үшін не істеу керек?
Қоғамда бейбіт өмір сүру үшін заң мен тәртіптің сақталуы аса маңызды. Заң адамдар арасындағы қарым-қатынасты реттейтін басты құрал.
Ал тәртіп - сол заңды орындау мәдениеті. Әр азамат заңды құрметтеп, тәртіпті ұстанса, қоғамда тыныштық пен әділдік орнайды.
Заңды орындау қоғамның тұрақты дамуына жол ашады. Себебі әділеттік сақталған ортада адамдар сеніммен өмір сүреді, еңбек етеді. Қылмыс азайып, халықтың әл-ауқаты жақсарады. Мемлекеттің өркендеуі - әрбір азаматтың заңға деген жауапкершілігіне байланысты.
Мен қоғамдық тәртіпті сақтауға өз үлесімді тәртіпті жүру, өзгелерге үлгі болу арқылы қоса аламын. Қоғамда кішкентай жақсылықтардан үлкен өзгерістер басталады. Заң мен тәртіпті сақтап, оны қадағалау тек полицияның ғана ісі емес, әр адамның борышы.
Қорытындылай келе, заңды сақтау қоғам және адам үшін өте маңызды. Тек адамдарға айтарым: заң мен тәртіпті сақтап жүрейік! Егер де сақтамасақ, қоғамда күрделі мәселелер туындап, қауіп төнуі мүмкін.

Ілмектер: Өз ойыммен жазылған эссе Асқарұлы Санжар

---