Кіру Тіркелу
Өлең, жыр, ақындар

Қазақ ауыз әдебиеті

Қасқыр анадай жерде, тазы мынадай жерде...

Ертеде бір кедей байдың үйіне келсе, жұрт жиылып, той болып жатады. Менменсіген бай оған жасың үлкен еді, төрге шық демейді. Сонда кедей қария тұрып:

— Ойпыр-ай, байеке, жаңа ауылдан шыққанымда, алдымнан бір арлан қасқыр тұра кеп қашқаны. Дереу тазымды қостым да жібердім. Тазым да желаяқ еді, дегенмен қасқыр да жүйрік екен, — деген кезде, ерігіп отырған бай елең-елең етіп:

— Иә, тазың қуып жетті ме? — дейді.

Сонда қарт оған:

— Жоқ, байеке, қасқыр дәл ана сіздей, тазы дәл мына мендей жерде отырды, — деп жауап беріпті. Көп алдында ұялған бай кедейге:

— Төрлетіңіз, төрлетіңіз! — деп беріпті.

 

ел аузынан Бабалар сөзі халық әңгімелері төр бай кедей

Пікірлер (1)

Пікір қалдырыңыз


Қарап көріңіз

Басқа да жазбалар

Жаңалықтар

Нақыл сөздер

Пікірлер