Құлан

Жамбыл облысы Рысқұлов ауданы Құлан ауылының маңында ортағасырлық Құлан қаласының орны сақталған. Құлан қаласы туралы VII ғасырдағы қытай, араб жазба деректерінде айтылады. Құлан қаласында көптеген тарихи оқиғалар өткен. Мысалы, 740 жылы түргеш бегі Құрсұл Батыс Түрік қағандығының ең соңғы басқағы Ашина Суйцзыны осы қалада өлтірген. 840 жылы араб әскерлері Құланға дейін жеткен. Тараздан және Меркеден Құланға дейінгі арақашықтық көрсетілген жол бағдарлары жазылып сақталған.

Қаланың орнынан шахристан, ішкі қамал және шығыс жағында бекініссіз рабат болғандығын байқауға болады. Ішкі қамал – биіктігі 7-8 метрге жуық, төртбұрышты, 40x40 м2 алаңы бар төбе. Шахристаны төртбұрышты төбе пішіндес. Ол ұзындығы 320 м, биіктігі 4-5 метрге жуық қабырғамен, сыртынан тереңдігі 1 м, ені 15 м ормен қоршалған. Қазба жұмыстарының нәтижесінде ғимараттардың орнынан көптеген ыдыстар – құман, қазан, құмыра, қақпақ, саптыаяқ, шырағдан, т.б. алынған.

Құлан орта ғасырларда Ұлы Жібек жолындағы ірі мәдени-сауда орталықтардың бірі болған.

Оқуға кеңес береміз:

Суяб

Сауран

Сайрам

Сарайшық

Ұлы Жібек жолы

Ұлы Жібек жолының 5 ірі қаласы

Ұлы Жібек жолы: Шөлдегі құдықтарда қалайша әрдайым су болған?

Әлеуметтік желілерде бөлісіңіз: