Корейская косметика премиум класса

Алматы облысында 300-ден көп оқушысы бар мектептер онлайн оқиды

Алматы облысында оқушы орны 300-ден жоғары мектептер онлайн оқиды.

Мектеп оқушылары 17 қаңтарға дейін демалыста. 17 қаңтардан кейін 300 орынға дейінгі мектептер штаттық режимде жұмыс істейді. Оқушы орны 300-ден жоғары мектептерде оқыту онлайн режимде жүргізіледі»,- делінген ведомствоның Фейсбук парақшасына жариялаған хабарламасында.

Балабақшалар 17 қаңтарға дейін жұмысын уақытша тоқтатты. 17 қаңтардан кейін ата-аналардың өтініші бойынша қызмет көрсетеді.

Ведомствоның ақпаратына сәйкес, төмендегі нысандар көрсетілген уақыт бойынша жұмыс істейді.

Талдықорған қаласында ірі және шағын сауда орындары мен базарлар, дәріханалар сағат 09.00-ден 20.00-ге дейін қызмет көрсетеді. Әкімдіктің баспасөз қызметінің мәліметінше, халыққа қажетті азық-түлік, дәрі-дәрмек жеткілікті.

««Жедел жәрдем» қызметі үздіксіз жұмыс істеп тұр.

Жанар-жағар май құю бекеттері ашық. Екінші деңгейлі банктер іске кірісті. Банкоматтарда қолма-қол ақша жеткілікті.

Халыққа қызмет көрсету орталықтары сағат 9.00-ден 18.00-ге дейін жұмысқа кірісті«,- деп толықтырды аталған ведомствоның баспасөз қызметінен.

Айта кетейік, Алматы облысында коронавирус жұқтырғандардың саны өткен тәулікте күрт өсті. 257 адамнан аталған індет анықталды.


Әлеуметтік желілерде бөлісіңіз:

Қарап көріңіз

Басқа да жазбалар

×