Қазақстанның теміржол көлігіндегі студенттер мен оқушыларға арналған жеңілдіктер

Теміржол көлігіндегі жеңілдік түрлері

Жеңілдікпен тасымалдауға тегін жол жүру, жеңілдікпен жол жүру, сондай-ақ ақшалай жәрдемақылар жатады. Қазақстанда теміржол көлігі арқылы жеңілдікпен жол жүру құқығына халықтың жекелеген топтары жатады:
 
—  7 жасқа дейінгі балалар. Егер ол бөлек орын алмаса, бір ересек адаммен тегін жүруге құқылы.

—  7 жастан 15 жасқа дейінгі балалар ересек жолаушы үшін белгіленген жол жүру құнының 50% мөлшерінде жеңілдіктер алуға құқылы.

—  Әскери оқу орындарының курсанттары, мерзімді әскери қызметшілер, келісімшартпен жұмыс істейтіндер және олардың отбасы мүшелері тегін жүреді.

—  Темір жол қызметкерлерінің Республика шегінде және ТМД бойынша қала маңына тікелей қатынау билетін ауыстыру құқығымен тегін жол жүруге құқығы бар.

—  Жолаушылардың жекелеген санаттары "Қазақстан темір жолы" ҰК АҚ-ның арнайы жеңілдік карталары бойынша темір жолмен жүруге жеңілдік алады. Жеңілдік сомасы туралы толығырақ "Қазақстан темір жолы" сайтынан біле аласыз.

—  Зейнеткерлер, ардагерлер, студенттер, оқушылар, мүгедектер және бұрын жол жүру жеңілдіктері бар басқа да азаматтар 2015 жылдың 4 желтоқсанынан бастап атаулы ақшалай жәрдемақы алады және теміржол билеттерінің толық құнын төлейді.

Тек студенттерге берілетін жеңілдіктер

Студенттер-мемлекет тарапынан ерекше назар аударуға лайық халықтың бір бөлігі. Стипендияның төмен көлеміне және оның барлығына қол жетімдсіздігіне қарамастан, күндізгі бөлім студенттері қосымша қаржылық көмек алады.
 
Студенттер жылына екі рет 4 АЕК (айлық есептік көрсеткіш) мөлшерінде жол жүруге өтемақы алады, 2023 жылға бұл сома 13 800 теңгені құрайды. Төлемдерді тек күндізгі оқу түрінде оқитын студенттердің алуына мүмкіндігі бар.
 
Ақша демалыс аяқталғаннан кейін білім алушылардың шоттарына аударылады. Олар республикалық және жергілікті бюджеттерден бөлінеді. Студенттерге ақшалай өтемақы алу туралы қосымша ақпаратты сайттан таба аласыз.

Студенттер мен мектеп оқушыларына арналған топтық сапарлар

Топтық билеттер кемінде 10 адамнан тұратын адамдар тобы үшін беріледі. Жолаушылардың ұйымдасқан топтарының жол жүруін ресімдеу үшін пойыздарда орындарды резервтеуге жазбаша өтінім қажет, ол бос орындар болған кезде пойыз жөнелтілгенге дейін 45 тәуліктен 6 тәулікке дейін қабылданады. Билет топ басшысына ресімделеді.

Оқушыларға арналған топтық сапарлар 10 оқушыға бір жауапты ересек адамның және медицина қызметкерінің сүйемелдеуімен жүзеге асырылады.
 

 
Жәрдемақы алу үшін қандай құжаттар қажет? Оны қайдан алуға болады?

Жәрдемақы алу үшін өтініш жазып, жәрдемақы алу құқығын растайтын құжаттарды жинау керек. Студенттер үшін студенттік билеттің болуы міндетті құжат болып табылады. 2020 жылдан бастап Қазақстанда студенттік билеттер электронды түрде ұсынылады. Сіз оларды eGov Mobile қосымшасында белсендіре аласыз.

Студенттерге ақша республикалық және жергілікті бюджеттерден қаражатты студенттердің карт-шоттарына немесе қолма-қол төлемдермен аудару арқылы бөлінеді.

7 жастан 15 жасқа дейінгі оқушылар үшін жол жүру жеңілдіктерін алу үшін Сіз өзіңізбен бірге туу туралы куәлікті немесе баланың жасын растайтын кез-келген басқа құжатты алып жүруіңіз керек.

Теміржол билеттерін сатып алу

Студенттер билеттердің толық құнын төлейді. Теміржол билеттерін сатып алуды теміржол вокзалдарының кассаларында немесе онлайн ресурстарда жүзеге асыруға болады, мысалы Tickets.kz.

Оқушылар билет құнының 50 % түрінде жеңілдікке ие. Жеңілдік билетті сатып алу кезінде беріледі. Пойызға отырғызу кезінде мектеп оқушылары билеттен басқа баланың жасын растайтын құжатты ұсынуы керек.

Жастар арасындағы танымал бағыттар

Студенттер арасында ең танымал бағыттар еліміздің ірі қалаларын, мысалы, Астана-Петропавлды байланыстыратындар болып табылады.
 

 
Сондай-ақ танымал туристік бағыттарды байланыстыратындар. Мысалы, қазақстандық туристік қауымдастықтың деректері бойынша жастар арасында Шарын шатқалы, Түрген сарқырамасы, Есік көлі, Үлкен Алматы көлі және Көлсай көлдері сияқты туристік нысандар танымал.

Қазақстан Республикасының заңнамасына сәйкес жеңілдіктер туралы толық ақпарат

Қазақстан Республикасының жол жүру жеңілдіктері туралы заңнамасы бойынша толық ақпаратты мына сілтеме бойынша Юрист сайтынан таба аласыз: https://online.zakon.kz/Document/?doc_id=34163292&pos=2;-106#pos=2;-106

---

Әлеуметтік желілерде бөлісіңіз: