Сәнді аксессуар: жалпақ ободок

Әр маусым сайын жаңа тренд келіп, ескісі ұмытылып жатады. Бірақ корольдік отбасылардың өзіндік сән әлемі бар. Корольдік сән өткінші тенденциялардың артынан ермей, классиканы ұстанғанды жөн көреді.

Бірақ кейде монарх әйелдердің гардеробындағы киімдер немесе аксессуарлар подиумнан көрініп, трендке айналып кетеді. Сондай аксессуардың бірі — жалпақ ободок.

Монарх әйелдерге қойылатын талаптың бірі — қандай да бір шараларда қалпақ киіп жүру. Кейт Миддлтон кейде қалпақты жалпақ ободокпен ауыстырады. Мұндай ободок заманауи әрі стильді көрінеді. Кейт Миддлтоннан мұндай ободоктың барқыт, түрлі түсті, гүлі бар немесе өрілген түрлерін байқауға болады.

Әрине, мұндай ободокты тек корольдік отбасы мүшелері емес, 60-шы, 70-шы, 80-шы жылдары сәнқой қыздар да тақты.

Қазір өз стиліңізге қарай жалпақ ободок табу қиынға соқпайды. Себебі мұндай ободоктардың түр-түрін масс-маркеттен кездестіруге болады. Оның біртүсті немесе інжу тастары бар түрін киіп көріңіз. Күздің, көктемнің жылы күндері оны бас киімнің орнына тағып алуға болады.

Жалпақ ободоктың артықшылықтары:

— Ол кешкі шараларда киім үлгісіне салтанаттылық сыйлайды;

— Шаш үлгісін жасауға уақыт болмаған кезде кез келген шашты жинақы етеді;

— Ол шашты көлемді етіп көрсетеді;

— Мұндай ободок визуалды түрде бойды сәл ұзартады.

Оқуға кеңес береміз:

Шаш неге түседі?

Неміс дәріханасынан әлемдік косметика империясына дейін: Schwarzkopf тарихы

Әлеуметтік желілерде бөлісіңіз: