Қазақстанда бизнес үшін онлайн-банкингтің дамуы

Соңғы жылдары қазақстандық кәсіпорындар өз қызметінде цифрлық технологияларды белсенді түрде енгізуде, бұл олардың тиімділігі мен бәсекеге қабілеттілігін айтарлықтай арттырады. Электрондық төлемдер, ақша аударуға арналған мобильді қосымшалар және онлайн-банкинг бизнестің ажырамас бөлігіне айналуда.

Қазақстандағы кәсіпорындардың онлайн операцияларды жүргізу саны жыл сайын артып келеді. Мысалы, Kaspi, ForteBank елімізде бизнес үшін интернет-банкингті енгізуді алғашқылардың бірі болып бастады.

Жылдан-жылға Қазақстанда онлайн төлемдерді қабылдайтын кәсіпорындардың саны динамикалық түрде өсуде. Мысалы, 2024 жылдың 1 қазанындағы жағдай бойынша, мұндай кәсіпорындардың саны жылына 26,9%-ға артып, 967,6 мыңға жетті. Сонымен қатар, осы кәсіпорындардың сауда нүктелерінің саны 22,7%-ға өсіп, 1,1 миллионға жетті. Бұл кәсіпорындардың цифрлық технологияларға, әсіресе төлемдер мен қаржы саласында сұранысының артқанын көрсетеді.

Онлайн төлемдерді қабылдайтын кәсіпорындардың саны еліміздің барлық өңірлерінде бірдей қарқынмен өсуде, яғни бұл тек ірі қалаларға немесе белгілі бір облыстарға тән емес. Онлайн төлемдерді қабылдайтын кәсіпорындардың санының өсуінің негізгі себебі – елдегі банктердің физикалық тұлғалармен қатар бизнеске бағытталған цифрлық қызметтерді дамытуы. Мобильді банкинг қазақстандық компаниялар арасында тез танымал болып, қаржыны басқаруға арналған ыңғайлы және сапалы құралдар ұсынуда.

Бизнес үшін банктердің мобильді қосымшалары бойынша нақты статистика жоқ, бірақ жалпы сурет халық пен заңды тұлғалардың мобильді қосымшаларды пайдалану деңгейін көрсетеді. 2024 жылдың қыркүйек айының соңындағы жағдай бойынша, банктердің онлайн қызметтерін пайдаланушылар саны жылына 12,4%-ға артып, 24,8 миллионға жетті.

Бүгінде еліміздің барлық ірі банктерінде бизнес үшін мобильді қосымшалар бар және оларды белсенді түрде дамытып жатыр. ForteBank елімізде бизнес үшін банкингті дамытуға алғашқылардың бірі болып кірісті. Қазіргі уақытта қаржы институтында кәсіпкерлер арасында жоғары сұранысқа ие ForteBusiness мобильді қосымшасы жұмыс істейді. Forte онлайн-банкингін мобильді құрылғы арқылы немесе компьютердегі десктоп нұсқасы арқылы пайдалануға болады.

Мобильді интернет-банкинг арқылы әртүрлі қызметтер мен әрекеттерді жүзеге асыруға болады, оның ішінде:

• ЖК және ЖШС үшін онлайн-шот ашу, реквизиттерді дереу алу және операцияларды жүргізу;
• ЖК және ЖШС тіркеу;
• ЖК және ЖШС үшін 20 миллион теңгеге дейінгі кепілсіз кредит алу (3 минутта);
• Қосымша арқылы цифрлық карта шығару және карта нөмірі бойынша ақша аудару (Р2Р);
• Бюджетке әлеуметтік, зейнетақы, салық және ОСМС төлемдерін жүзеге асыру;
• Шетел валютасындағы төлемдер мен аударымдарды трекингпен жүзеге асыру, сондай-ақ өз шоттары арасында түрлі валюталармен операциялар жүргізу;
• Индивидуалды конвертация курсы бойынша комиссиясыз операциялар жүргізуге мүмкіндік беретін ForteX қызметін пайдалану.
Жалпы алғанда, бизнес үшін банктердің мобильді қосымшаларының көптеген артықшылықтары бар.

Пайдаланылған әдебиеттер тізімі:

1.Сүйіншәлі, С. (2018). *Цифрлық экономика: теория және практика*. Алматы: Экономика.

2. Нұрпейіс, Б. (2020). *Қазақстандағы банктік жүйе және онлайн-банкинг*. Алматы: Ғылым.

3. Финпром.кз (2024). *Қазақстанда онлайн-банкингтің дамуы*. [Онлайн ресурс]. URL: https://finprom.kz

Жулдызай Смагулова

Әлеуметтік желілерде бөлісіңіз: