Елдос Сметов - Мүмкін емес нәрсе жоқ!

    Қазақстандық дзюдошы Елдос Сметовтің 31 жасында Олимпиада чемпионы атануы, спортсүйер қауымды таңқалдырды. Әсіресе өз мансабының ең қиын кезеңінде Олимпиада да алтын алу - тарихи жетістік.

    Елдостың Токио 2020 Олимпиадасындағы жеңілісінен кейін жанкүйерлер палуанның мансабы жақын арада аяқталатынына кәміл сенді. Өйткені спортшының жарақат алуы жиілеп кетті, біржағынан келесі Олимпиадаға жасыда келіп қалатын. Оның үстіне оның ізін жалғап бірнеше талантты жас қазақ дзюдошылары Олимпиада жолдамасына үмітті еді. Бірақ, Елдос халық алдында берген уәдесіне берік болды. Оның бала кезден келе жатқан арманы - Олимпиада чемпионы атануы еді. Бұл жайында ол Olymic.kz сайтына берген сұхбатында :  '' Міне, сол Олимпиада алтыны менің спортты аяқтамай, әрі қарай талпынуыма себепкер болып отыр. Олимпиаданың алтыны үшін күресіп жүрмін. Бұйырса, сол арманыма жету үшін бар күшімді саламын. ", -деп, өзінің әлі де мақсатқа жетуден тайынбайтынын айтты. 

    2023-2024 жылдары Елдос үшін өте қиын кезең болды. Ол тіпті Олимпиада жоламдасына іліге алмай жатты. Оның орнына тәжірибелі палуан Мағжан Шамшадин мен жас талант Нұрқанат Серікбаевтың Олимпиада ойындарына бару мүмкіндіктері жоғары болды. Алайда 2024 жылдың Олимпиада алдындағы соңғы [Astana Grand Slam 2024] турнирінде 3 орын жеңіп алып, жолдамаға таласу мүмкіндігіне ие болды. Елдос көптеген жанкүйерлердің сынына ұшырады. Жанкүйерлер одан жастарға жол бергені дұрыс деп сын тақты. Бірақ Елдос жолдамаға таласта екі жас дзюдошыныда жеңіп алып, Парижде ел намысын қорғайтын болып шықты. 

    Париж ойындарында Елдостың қарсыластары белгілі болды. Олардың барлығы түрлі халықаралық жарыстардың жеңімпаздары мен жүлдегерлері еді. Бірақ, Алланың қалауымен және үздіксіз жаттығумен қажымас қайраттың нәтижесінде Елдос Сметов  Олимпиаданы жеңген тұңғыш қазақ дзюдошысы аттанды. Әрі қатарынан 3 Олимпиада да 3 түрлі жүлде жеңген (  Рио-2016 күміс ; Токио-2020 қола ; Париж-2024 алтын ) қазақтан шыққан жалғыз спортшы. Елдостың жеңіс жолында жету жолында көрген ауыртпалықтары, әртүрлі ауыр жарақаттар мен жанкүйерлердің оған сенбеуі сынды кездескен қиыншылықтары оны тоқтата алмады. Батырымыздың оқиғасы жастарға өнеге болары сөзсіз. Себебі Елдос секілді айтқанынан қайтпайтын өжет батырлар ғана мүмкін емес нәрсенің жоқ екенін дәлелдейді. 

«Journiverse» білім беру орталығының оқушысы: Сембай Телжан