Қазіргі экологиялық мәселелер және олардың салдары!

     Қазіргі таңда экологиялық мәселелер жаһандық деңгейде өзекті болуда. Ластанған ауа, ормандардың жойылуы, су тапшылығы – әлем елдеріне ортақ мәселелер. Дүниежүзілік денсаулық сақтау ұйымының (ДДСҰ) мәліметінше, 2021 жылы әлем халқының 91%-дан астамы ластанған ауада өмір сүрген. Бұл әсіресе Үндістан, Қытай, Пәкістан және Бангладеш елдерінде айқын байқалады.

БҰҰ Экология жөніндегі бағдарламасының (UNEP) деректеріне сәйкес, 40-қа жуық мемлекет су тапшылығын сезінуде, ал 30-дан астам ел климаттың өзгеруіне байланысты экологиялық проблемаларға тап болып отыр.

Әлемде жыл сайын 8 миллион тонна пластик теңіздерге тасталады. Сарапшылардың болжамы бойынша, егер жағдай өзгермесе, 2030 жылға қарай бұл көрсеткіш 300 миллион тоннаға жетуі мүмкін.

Сонымен қатар, ормандардың жойылу қарқыны да алаңдатарлық. БҰҰ-ның Азық-түлік және ауыл шаруашылығы ұйымының (FAO) деректеріне сәйкес, жыл сайын шамамен 10 миллион гектар орман жойылады. 2020 жылы бұл көрсеткіш 2015 жылмен салыстырғанда 25%-ға артқан.

«Journiverse» білім беру орталығының оқушысы: Аруна Бегежанова