Сіз өзіңізді қандай гүлге теңер едіңіз?

Әлемде 8 миллиард адам бар.Әрбір адамның бойында өзіне тән мінез-құлқы болады. Ол мінезі жақсы да, жағымсыз да болуы мүмкін. Сол сияқты біздің табиғатымызда сан алуан түрлі гүлдер бар.Егер гүлдің бір түрін адамның мінезі арқылы сипаттайтын болсақ: 

Раушан – мұндай адамдар нәзік, бірақ өз қадірін біледі. Сырт көзге сұлулығымен баурайды, ал жан-дүниесінде тереңдік бар. Кейде тікенектей өткір, өз шекарасын біледі.

Күнбағыс – ашық-жарқын, позитивті, өмірге ғашық адамдар. Қайда барса да айналасын жарыққа бөлейді, үнемі жақсылыққа ұмтылады.

Қызғалдақ – романтик әрі сезімтал. Мұндай адамдар көктем секілді жылы әрі шабыт беретін. Көңіл-күйі тез өзгеруі мүмкін, бірақ жүрегі таза.

Кактус – сырт көзге салқын көрінгенімен, жүрегі өте жылы. Өзгені бірден жанына жақындатпайды, бірақ сеніміне кірсең — шынайы дос болады.

Лаванда – сабырлы, тыныштықты сүйетін адамдар. Олармен бірге болғанда жан тынышталып, өзіңді жайлы сезінесің. Жан дүниесі бай, ойы терең.

Орхидея – ерекше, талғампаз мінезді адамдар. Олар сұлулық пен нәзіктікті бағалайды, көпшілікке ұқсамайды. Жоғары стандарттар қояды әрі соған сай өмір сүреді.

Ал сіз өзіңізді қандай гүлге теңер едіңіз?