Жас ұрпақ жайлы газет шығару маңызы

Қазіргі таңда жас ұрпақ барлық жаңалықтарды әлеуметтік желілер арқылы біліп отырады. Кейбір кездерде тіпті білмей де қалады. Instagram, Telegram, TikTok, YouTube, Facebook, Twitter желілерімен, яғни осы ғаламтор қосымшаларындағы каналдар мен блогтарға тіркеліп, барлық жаңалықтарға куә бола алады. Бірақ осы жағдай ғаламторға деген тәуелділікті әкеліп, газет, радио және теледидар жаңалықтары бос қалады. Қазіргі заман жастардікі болғандықтан, мен бұл жағдайға аса маңызмен қарағым келеді.

Мен «Жастардың қоғамдағы орны» және «Жастардың пікір аланы» деген жобалармен бастамалар жасағым келеді.

Мақсатым: 1. Жастардың ойларын, пікірлерін тыңдап, оны қоғамға жеткізу.

2. Жастардың үні мен сөзі болу.

3. Жас ұрпақтың біздің елімізге әкеліп жатқан пайдасын көрсету.

4. Психологиялық тақырыптарда жұмыс жасау.

Осы мақсаттарымды пайдалана отырып, мен жас ұрпақтың назарын газетке аудартып, әлеуметтік желіге деген тәуелділікті жою және «Жастардың қоғамдағы орны» деген газет шығарып, жаңа ерекшелік енгізуді жоспарлаймын. Бұл менің болашақ мақсатым.

Әлеуметтік желілерде бөлісіңіз: