Мамандық таңдауда ата-ананың рөлі

Мамандық таңдау — әр адамның өміріндегі маңызды әрі жауапты шешім. Бұл таңдау болашақ өмір салтына, табысына, өзін-өзі дамытуына тікелей әсер етеді. Сондықтан бұл үдерісте ата-ананың рөлі ерекше.

Ата-ана – баланың алғашқы тәрбиешісі ғана емес, оның қызығушылықтары мен қабілеттерін ерте байқап, бағыт беруші тұлға. Көп жағдайда ата-аналар баласының болашағы жарқын, табысы тұрақты мамандық иесі болғанын қалайды. Осы ниетпен олар дәрігер, заңгер, экономист сияқты “сенімді” мамандықтарды ұсынады.

Алайда мамандық таңдау – баланың өз еркімен жасалуы тиіс қадам. Ата-ананың міндеті – өз пікірін тықпаламай, баланың қызығушылығын ескеріп, оған кеңес беріп, әр түрлі бағыттармен таныстыру. Сонымен қатар, шынайы қолдау көрсету мен сенім білдіру — баланың өз жолын дұрыс табуына ықпал етеді.

Зерттеулер көрсеткендей, ата-анасының қолдауына ие болған жастар өз мамандығын саналы түрде таңдап, кейін кәсіби тұрғыда жиі жетістікке жетеді. Ал керісінше, ата-анасының қысымымен өзіне ұнамайтын саланы таңдаған жастар арасында кәсіби күйзеліс жиі кездеседі.

Ата-ананың пікірі маңызды, алайда басты шешім — баланың қолында. Мамандық таңдауда ата-ана бағыттаушы, кеңесші әрі қолдаушы болуы қажет. Сонда ғана бұл шешім сәтті әрі саналы болады.

Нарманова Балзия