Қазақстандағы 5G желісінің таралуы

    Қоғам цифрланумен бірге дамып келеді. Қазақстанда 5G желісінің алғашқы іске қосылуы 2022 жылдан басталып, кейін ірі қалалардан өңірлік орталықтарға кеңейтілуде. Үкіметтің ресми ұстанымы – 2025 жылдың соңына дейін республикалық маңызы бар қалалар мен барлық облыс орталықтарын 5G желісімен қамту.

2025 жылы 5G инфрақұрылымы айтарлықтай ілгеріледі: ел бойынша 3 мыңнан астам 5G базалық станция орнатылды, ал Алматы мен Астанада мобильді трафиктің 30–50%-ы 5G арқылы өтіп жатыр. Бұл – желінің қолданысы мен сапасының артып келе жатқанын көрсететін маңызды белгі.

Бұған дейін 2027 жылға жоспарланған мақсаттар айтылғанымен, қазіргі ресми мақсат – 5G енгізуді 2025 жылдың соңына дейін аяқтау. Операторлар Астана, Алматы, Шымкенттен бөлек, барлық өңірлік орталықтарда қамтуды кеңейту жұмыстарын жалғастырып жатыр.

Кадрлық өзгерістер де болды: 2024 жылғы 6 мамырда Жаслан Мәдиев Қазақстан Республикасының Цифрлық даму, инновациялар және аэроғарыш өнеркәсібі министрі болып тағайындалды. Бұған дейін бұл қызметті Бағдат Мусин атқарған. Енді саладағы барлық жоспар мен саясатты жаңа министрлік басшылығы жалғастыруда.

Journiverse білім беру орталығының оқушысы: Азаматова Айәсем