Әлеуметтік желінің қазіргі жастарға әсері

       Сарапшылардың зерттеуінше, қазіргі жастардың шамамен 80 пайызы күніне кем дегенде төрт сағаттай уақытын әлеуметтік желілерде өткізеді. Бұл көрсеткіш соңғы бес жылда екі есеге артқан. Мұндай белсенділік жастардың өмірінің барлық саласына – ойлау жүйесіне, мінез-құлқына және қарым-қатынас дағдысына – тікелей әсер етеді.

    Психологтардың айтуынша, әлеуметтік желілер жастардың өзін-өзі бағалауына айтарлықтай ықпал етеді. «Лайк» пен «пікір» саны бүгінде адамның көңіл-күйін анықтайтын өлшемге айналған. Мысалы, 2023 жылы жүргізілген халықаралық зерттеу нәтижесінде, желіде көп уақыт өткізетін жастардың 42 пайызы өз өміріне көңілі толмайтынын мойындаған. Бұл – әлеуметтік салыстыру мен виртуалды жетістікке ұмтылыстың салдары. Сонымен қатар әлеуметтік желілер ақпарат таратудың ең жылдам құралы болып отыр. Алайда, оның ішінде жалған жаңалықтар да аз емес. Factcheck.kz деректеріне сәйкес, 2024 жылы Қазақстанда тек Instagram мен Telegram платформаларында таралған фейк ақпараттардың үлесі 37 пайызды құраған. Бұл – жастардың сыни ойлау мен шындықты ажырату қабілетіне қауіп төндіретін фактор. Дегенмен, әлеуметтік желілердің оң әсерін де жоққа шығаруға болмайды. Көптеген жастар сол арқылы табыс тауып, шығармашылық жобаларын жүзеге асыруда. Мысалы, қазақстандық блогерлер экология, мәдениет және білім беру салаларында мыңдаған аудиторияны қамтитын пайдалы контент жасап келеді.

«Journiverse» білім беру орталығының оқушысы: Ахмеджан Айша